Чойи сиёҳ.

0
4 452 просмотров

Чой таърихи кӯҳан дорад. Ҳанӯз 2700 сол пеш аз мелод дар дастнависҳои қадимаи чинӣ дар бораи чой маълумотҳо зикр шудаанд. Аз ҳамин сабаб, олимон макони аслии чойро Хитой меҳисобанд. Сараввал, чойро доруворӣ меҳисобиданд. Дертар, хислатҳои ғизонокии онро фаҳмида, истеъмоли онро мунтазам карданд.

Асосан ду намуди шинохтаи чой ҳаст — ин чойҳои кабуд ва сиёҳ. Даъфаи гузашта мо оид ба чойи кабуд ба Шумо маълумот дода будем ва имрӯз тасмим гирифтем бароятон дар бораи чойи сиёҳ маълумот диҳем. Ин ду намуди чой аз як растанӣ тайёр мешаванд ва танҳо аз рўйи мўҳлати коркарднамоӣ фарқ мекунанд. Чойи кабудро на зиёда аз ду рӯз, чойи сиёҳро бошад, аз ду ҳафта то як моҳ коркард мекунанд. Дар давоми коркард чой тираранг мешавад ва накҳати хоси худро пайдо мекунад. Чойи сиёҳро дар намуди баргӣ, ғурӯшонидашуда (гранулированный) ва чой дар қоғазхалтачаҳо (чай в пакетиках), дастрас кардан мумкин аст. Аксари навҳои чой ба бозори мо аз давлати Чин ворид мешаванд. Аммо, донистанатон лозим аст, ки чойи сиёҳи босифат асосан аз Ҳиндустон ва Сейлон ворид мегардад.

Имрӯзҳо дар бозору мағозаҳо чойҳои сиёҳи сунъӣ низ пайдо шудааст. Чойи сиёҳи ҳакиқиро аз қалбакӣ чӣ тарв фарқ кардан мумкин аст? Сараввал, ба қуттӣ ё халтаи чой аҳмият диҳед, он бояд ҳавоногузар бошад, то ки мазза ва тамъи он бухор нашавад. Дар ёд доред, ки чойи сиёҳ аз таъсири наммӣ, сормо ва гармо, равшании баланд  сифати худро гум мекунад.

Чойи сиёҳи босифат ба муолиҷаи касалиҳои дилу рагҳо, системаи асаб, меъдаву рӯда, дандон ва милк, мубодилаи моддаҳо дар бадан  мусоидат мекунад. Таркиби чойи сиёҳ аз танин, кофеин, сафедаҳо ва аминокислотаҳо, фосфор, фтор, калий, карбогидратҳо, пектин ва витаминҳои гуногун бой аст.

Чойи сиёҳро одатан бо оби то ҳарорати на кам аз 100 дараҷа ҷӯшонидашуда дар муддати 2-5 дақиқа дам мекунанд. Инро ба назар гиред, зеро истеъмоли чойи сиёҳи  баланд дамшуда ба дарди сар, камхобӣ, бемадорӣ оварда мерасонад. Барои ҳамин, танҳо чойи сиёҳи  босифатро харидорӣ намуда, онро бо тарви муносиб тайёр намуда. Баъдан онро истеъмол кунед ва аз ҳама сифатҳои шифобахши баҳравар гардед.

Нет комментариев

Также рекомендуем

Сообщить об опечатке

Текст, который будет отправлен нашим редакторам: