Дар ҳафтаи равон филми ҳунарии «Замини оянда» бо унвони «Тасаввур кунед дунёро ҳама чиз имконпазир аст» бо фурӯши 40 млн доллар тавонист ҷойи дуюми ширкати тиҷоратии синамоии «Box Office»-ро аз они худ кунад. Филми мазкур аз ҷониби коргардон — Брэд Бёрд аз рӯйи филмномаи — Дэймон Линделоф, Ҷефф Ҷенсенва бо продюссерии — Брэд Бёрд, Ҷеффри Чернов ва дигарон рӯйи саҳна омад. Нақшҳои асосиро дар ин филм: Ҷордж Клуни, Бритт Робертсон, Хю Лори, Рэффи Кэссиди ва дигарон иҷро намудаанд. Филм аз саргузашти духтараки фавқултабиате бо номи Кейси, ки ба таври ногаҳонӣ ашёи ғалатиеро меёбад, оғоз мешавад. Ин ашё саросар аз муаммоҳои ҳайратангезе иборат аст. Қаҳрамони асосии филм чӣ тавр ин ашёро ба кор дарорад, сарфаҳм намеравад. Ӯ мехоҳад ин ашёро ба кор дарораду орзуҳои деринтизори худро амалӣ созад. Ба ин хотир Кейси назди як олими бузург донандаи илмҳои дақик ва таърихи ҷаҳон бо номи Френк меравад. Френк аз он метарсад, ки дар ҳолати мабодо агар асрори ин ашёро ба ин духтар ёд диҳад ӯ дар роҳҳои бад истифода мебарад. Аммо Кейси бо қавлу қасамҳои зиёд ин олимро розӣ мекунад ва орзуҳои деринтизорашро амалӣ месозад. Филми ҳунарии «Замини оянда» бо унвони «Тасаввур кунед дунёро ҳама чиз имконпазир аст» соли 2015-ум дар Амрико ва Испания аз ҷониби ширкати синамосозии «Дисней пикчерз» дар жанрҳои тахаюлӣ –ҷангӣ ва саргузаштӣ бомаблағи 190 млн доллар наворбардорӣ шудаву то имрӯз 135 млн доллар ба хазинаи худ фоида овардааст. Ҳаҷми умумии филм 130 дақиқаро ташкил дода, он аз бисёр кишварҳои олам мавриди намоиши умум қарор дорад.
Манбаъ: http://jahonnamo.tj/sinamo/
Нет комментариев