Ҳамлагари дастаи “ПСЖ” ва Фаронса Килиан Мбаппе барандаи ҷоизаи Globe Soccer Awards Europe Edition ҳамчун беҳтарин футболбози мавсими Аврупо шуд.
Мутахассиси испанӣ Хаби Алонсо беҳтарин мураббии Аврупо эътироф гардид, ки таҳти роҳбарии ӯ “Байер” аввалин чемпионати Бундеслигаро дар таърихи бошгоҳ ба даст оварда, тамоми мусобиқаро бидуни бохт ба анҷом расонид.
Ҷоизаи беҳтарин нишонзанро ҳамлагари инглисии «Бавария» Ҳарри Кейн, ки дар мавсими дебютиаш дар ҳайати дастаи шаҳри Мюнхен дар 45 бозӣ бо 44 гол ҷамъбаст кард, ба даст овард.
Тибқи фарзияи Globe Soccer ҳамлагари ҷавони дастаи «Барселона» Ламин Ямал беҳтарин бозигари мавсими Ла Лига миёни футболбозони то 23 дониста шуд. Ҳамлагари дастаи «Реал Мадрид» Ҷуд Беллингем беҳтарин бозигари мавсими 2023/24 дар Ла Лига эътироф гардид.
Сармураббии дастаи “Жирона ” — Мишел Санчес беҳтарин мураббии мавсим дар Ла Лига эътироф гардид. Микел Артета беҳтарин мураббии мавсим дар Премйер-Лигаи Англия дониста шуд.
Дастаи «Аталанта» — кашфи сол ва “Манчестер Сити” бошгоҳи сол интихоб гардиданд.
Манбаъ: ТВ-Варзиш
Нет комментариев