Дирӯз дар Кохи матбуоти шаҳри Хуҷанд семинар — тренинги барномаи Созмони милали муттаҳид дар бораи “Ҳадафҳои рушди устувор” баргузор гардид. Дар семинар аз тамоми рӯзномаву идораҳо вилоят журналистон ширкат варзиданд. Мавзӯи асосии барнома баланд бардоштани нерӯ ва бархурдории кормандани ВАО вобаста ба масъалаҳои Стратегияи миллии рушд 2030, барномаи миёнамӯҳлати рушд 2016-2020 ва ҳадафи рушди устувор 16 фаро гирифт. Семинарро Тоҳирзода Санъат мушовири Маркази машваратии Барномаи рушди СММ дар назди Вазорати рушди иқтисод ва савдои Ҷумҳурии Тоҷикистон ҳусни оғоз бахшид. Дар давоми семинар мушовири Маркази машваратии Барномаи рушди СММ дар назди Вазорати рушди иқтисод ва савдои Ҷумҳурии Тоҷикистон Одина Одинаев ба иштирокдорон дар бораи Стратегияи миллии рушди ҶТ барои давраи то соли 2030 маълумоти мушаххас доданд.
Бояд гуфт, ки ин барнома дар сессияи 70-уми Ассамблеяи генералии СММ дар моҳи сентябри соли 2015 маъқул дониста шудааст. Ҳадафи олии рушди дарозмуддати ҶТ баланд “бардоштани сатҳи зиндагии мардуми кишвар дар асоси таъмини рушди устувори иқтисодӣ”, “таъмини амнияти энергетикӣ ва истифодаи самараноки неруи барқ” , ва “раҳои аз бумбасти камуникатсионӣ ва табдил додани мамлакат ба кишвари транзитӣ” мебошад.
Саҳми Тоҷикистон низ дар ташаккулёбии Ҳадафи рушди устувор назаррас аст. Ҳадафи асосии семинар ин матраҳ гардидани ҳадафи 16 ум мебошад, ки он бевосита дар бораи мусоидат ба ташаккули ҷомеаи осоишта ва кушода барои рушди устувор, таъмини дастрасӣ ба адолат барои ҳама ва бунёди муассисаҳои самаранок, ҳисоботдиҳанда ва дар иштироки васеъ асосёфта дар ҳама сатҳҳо ба ҳисоб мервад.
Дар рафти чорабини рузноманигори машҳур Илҳоми Ҷамолиён барои ҳозирин дар бораи “Тавсияҳо оид ба инъикос ва пешбурди корҳои фаҳмондадиҳӣ дар ВАО” маълумоти пурра доданд. Дар охир семинар ба воситаи саволу ҷавоб усни анҷом ёфт ва ширкаткунандагон бо як рӯҳияи баланд ба саволҳои худ посух пайдо намуданд.
Медиапортал «Тироз» — Васила Давлатқадамова
Нет комментариев