Ассотсиатсияи футболи Англия (FA) пас аз барканории Гарет Саутгейт ба вазифаи сармураббии нави тими миллӣ таъйин кардани Хосеп Гвардиоларо баррасӣ мекунад, хабар медиҳад Independent.
Ба иттилои манбаъ, FA омода аст, ки мутахассиси 53-соларо интизор шавад, ба шарте ки ӯ дар охири мавсими 2024/25 пас аз анҷоми қарордоди ҳамкорӣ тарки “Манчестер Сити” кунад. Дар ин ҳолат, то омадани Гвардиола мунтахаби Англияро муваққатан дигар мураббӣ раҳбарӣ мекунад. Яке аз номзадҳо Ли Карсли аст, ки тими миллии ҷавонони кишварро раҳбарӣ мекунад.
Гвардиола аз соли 2016 дар Англия кор карда, сармураббии «Манчестер Сити» аст, ки мутахассиси испанӣ бо он 17 ҷоиза ба даст овардааст.
Дар чемпионати Аврупо, ки дар Олмон анҷом ёфт, тими Англия таҳти раҳбарии Саутгейт ба финал баромад ва дар он аз Испания шикаст хӯрд (1:2). Ҳамин тавр, 58 сол мешавад, ки тими миллии Англия дар мусобиқаҳои байналмилалӣ ҷоиза ба даст оварда наметавонад.
Манбаъ: Варзиш-ТВ
Нет комментариев