Дар заминаи татбиқи ҳадафҳои Солҳои рушди деҳот, сайёҳӣ ва ҳунарҳои мардумӣ Кумитаи рушди сайёҳии назди Ҳукумати Ҷумҳурии Тоҷикистон хатсайри нави сайёҳиро ба самти шимоли Тоҷикистон ба роҳ мемонад.
Аз Кумитаи рушди сайёҳии назди Ҳукумати ҷумҳурӣ иттилоъ доданд, ки хатсайри нави сайёҳӣ дар масири Душанбе-Истаравшан-Хуҷанд-Гулистон-Хуҷанд-Шаҳристон-Душанбе роҳандозӣ гардида, ҳадафаш муаррифии имконияти сайёҳии минтақаҳои шимоли мамлакат ва тақвияти сайёҳии дохилӣ мебошад.
Кумитаи рушди сайёҳии назди Ҳукумати ҷумҳурӣ барои намояндагони воситаҳои ахбори оммаи мамлакат дар хатсайри мазкур пресс-тур ташкил менамояд. Тибқи он намояндагони расонаҳои хабарӣ ёдгориҳои таърихию фарҳангии шаҳрҳои қадимаи тоҷикон — Истаравшану Хуҷанд ва мавзеъҳои сайёҳиро дар шаҳрҳои Гулистон ва Шаҳристон тамошо намуда, бо инфрасохтори сайёҳӣ дар шимоли Тоҷикистон шинос мегарданд.
Манбаъ: АМИТ «Ховар»
Нет комментариев