Хазинаи суғуртаи пасандозҳои шахсони воқеӣ маблағҳои пасандоздорони «Агроинвестбонк» ва «Тоҷиксодиротбонк»-ро ҷуброн мекунад

0
2 136 просмотров

Хазинаи суғуртаи пасандозҳои шахсони воқеӣ аз ҷуброн намудани маблағҳои пасандоздорони «Агроинвестбонк» ва «Тоҷиксодиротбонк» хабар медиҳад.

Тавре аз Бонки миллии Тоҷикистон ба АМИТ «Ховар» иттилоъ доданд, Хазинаи суғуртаи пасандозҳои шахсони воқеӣ ба таваҷҷуҳи пасандоздорони ҶСК «Агроинвестбонк» ва ҶСК «Тоҷиксодиротбонк» мерасонад, ки маблағи пасандози шахсони воқеӣ бо пули миллӣ то 30000 сомонӣ ва бо асъори хориҷӣ то 21000 сомонӣ аз ҳисоби хазина пурра ҷуброн карда мешавад.

Пардохти ҷубронпулӣ ба пасандоздорон тавассути бонк-агент 14 рӯз пас аз санаи қабули қарори суд оид ба барҳамдиҳии ташкилоти қарзӣ пардохт карда мешавад. Маблағи боқимондаи пасандозҳои шахсони воқеӣ дар раванди барҳамдиҳӣ аз ҷониби мудири махсус тибқи тартиби муқарраршуда пардохт хоҳад шуд.

Бояд гуфт, ки 21 майи соли равон  Бонки миллии Тоҷикистон иҷозатномаи «Агроинвестбонк» ва «Тоҷиксодиротбонк»-ро бозхонд намуда буд.

Пасандоздорони «Агроинвестбонк» ва «Тоҷиксодиротбонк» имкон доранд маълумоти иловагиро тавассути телефонҳои 44 6003245, 44 6003545 ё ин ки аз сомонаи Хазина www.idif.tj дастрас намоянд.

Манбаъ: АМИТ «Ховар»

Нет комментариев

Также рекомендуем

Дар Донишгоҳи давлатии Хуҷанд оид ба роҳҳои нави муқовимат ба ҳизбу ҳаракатҳои экстремистиву террористӣ ҳамоиш гузаронида шуд

10 май дар Донишгоҳи давлатии Хуҷанд ба номи академик Бобоҷон Ғафуров таҳти унвони «Роҳу усулҳои нави муқовимат ба ҳизбу ҳаракатҳои динӣ ва экстремистиву террористӣ» ҳамоиши ...

Сообщить об опечатке

Текст, который будет отправлен нашим редакторам: