Дар бозии ҷавобии даври чорякниҳоии Ҷоми Тоҷикистон бошгоҳи “Хуҷанд”-и шаҳри Хуҷанд аз рӯи силсилазарбаҳои ҷаримавии 11 метра дастаи “Барқчӣ”-и шаҳри Ҳисорро мағлуб сохта, ба даври нимниҳоӣ роҳ ёфт.
Дирӯз, 16-уми сентябр дар варзишгоҳи “20 солагии Истиқлолият”-и шаҳри Хуҷанд бозии ҷавобии даври чорякниҳоии Ҷоми кишвар байни тимҳои “Хуҷанд” ва “Барқчӣ” баргузор шуд. Ёдовар мешавем, ки 23-юми август дар шаҳри Ҳисор дар бозии аввал бошгоҳи шаҳри Хуҷанд бо ҳисоби 2:0 пирӯз шуда буд. Ин маротиба дар вақти асосии бозӣ футболбозони тими “Барқӣ” бо ҳисоби 2:0 бар нафъи хеш дидорро анҷом дод. Ду пайти иборат аз 15 дақиқаи низ ғолибро муайян накард. Ҳамин буд, ки дастаҳо ба задани пеналти шуруъ карданд, ки дар натиҷа хуҷандиҳо бо бартарии 4:2 пирӯз шуда, ба даври навбатӣ роҳ ёфтанд. Дар даври нимниҳоӣ рақиби “Хуҷанд” ғолиби ҷуфти «Регар-ТадАЗ» ва «Хатлон» мебошад.
Ҷоми Тоҷикистон. Даври чорякниҳоӣ
«Хуҷанд» – «Барқчӣ» – 0:2. Пеналти – 4:2
Голҳо: Шарафҷон Солеҳов, 30 (0:1). Тоҳир Малодустов, 31 (0:2).
Пеналти: Манучеҳр Сафаров – 0:0 (тири дарвоза). Манучеҳр Ахмедов – 1:0. Абдулмумин Забиров – 1:0 . Дмитрий Горбушин – 2:0. Шарафҷон Солеҳов – 2:1. Ҷаҳонгир Эргашев – 3:1. Ҳувайдои Гулмурод – 3:2. Соҳибҷон Ҳакимов – 4:2.
«Хуҷанд» (Хуҷанд): Алексей Матросов, Ҳасан Рустамов (Манучеҳр Ахмедов, 62), Хуршед Бекназаров, Соҳибҷон Ҳакимов, Дмитрий Бондарь, Бахтиёр Чориев, Обиҷон Ҳакимов (Дмитрий Горбушин, 77), Меҳроҷ Шарифзода (Вусал Магеррамов, 91), Дилшоҷон Каримов, Дилшод Бозоров (Фарҳод Тоҳиров, 54), Ҷаҳонгир Эргашев.
«Барқчӣ» (Ҳисор): Шоҳрух Қиргизбоев, Султоншо Мирзоев, Зиёвуддин Фузайлов, Оятулло Сафаров, Ҳусейн Нурматов (Ҳувайдои Гулмурод, 120), Манучеҳр Сафаров, Шервони Мабатшоев, Далер Ёдгоров (Саидмухтор Азимов, 82), Абдулмумин Забиров, Шарафҷон Солеҳов, Тоҳир Малодустов (Нуриддин Ҳамроқулов, 62).
Нет комментариев