Бо ёрии почтаи Иёлоти Муттаҳидаи Амрико натанҳо мактуб, балки растанӣ, ҳашарот, баъзе намуди ҳайвонот, тӯби футболӣ ва ғайраро фиристодан мумкин буд. Аммо ба дохили чизи мефиристода БОНКИ ҳақиқиро чӣ тавр ҷойгир намуд?
Як тоҷири ҷавон, бо насаби Колтарп тавонистааст, ки маҳз бонкро бо ёрии почта фиристонад. Колтарп биное бунёд карданӣ буд, ки дар ошёнаи яккумаш бояд бонк ҷойгир мешуд. Майдони сохтмон барои бонки оянда дар 190 километр дурӣ аз корхонаи хиштбарор ҷойгир буд. Барои 80 000 дона хиштро кашонидан бошад, маблағи зиёд лозим меомад.
Бо мақсади сарфа кардани маблағ, Колтрап қарор дод, ки хиштҳоро тавассути марсула (посылка) фиристонад. Тоҷир хиштҳоро дар қутии вазнаш 23 килограмӣ ҷойгир намуд, зеро аз рӯи қоида ба қуттиҳои почтавӣ аз он зиёд чиз бор карда намешуд. Тоҷири ҷавон дар як маротиба 40 адад ҳамин гуна куттиҳои хиштдорро фиристод, ки дар маҷмӯъ тахминан 1 тоннаро ташкил медод. Амонатҳои почтавӣ мустақиман ба манзилашон рафта намерасанд. Онҳо аз роҳи душвори дуру дароз мегузаранд. Аз ин сабаб ҳар як қисми хишти фиристодашаванда ба ҷои 190 километр роҳ зиёда аз 640 километр роҳро тай менамуданд. Ба ҳар ҳол тариқи почта фиристодани хишт нисбат ба хишткашонии анъанавӣ арзонтар афтода буд. Кормандони почта, албатта аз ин амали тоҷир хурсанд набуданд. Онҳо маҷбур шуда буданд, ки якчанд тонна хиштро худашон ба ҷои лозима бурда расонанд.
Колтрап ба ҳар ҳол тавонист, ки ҳамаи 80 000 хишти худро фиристад. Аммо пас аз ин ҳол почта қоидаи кориашро дигар кард. Акнун дар давоми як шабонарӯз зиёда аз 90 килограмм борро тариқи почта фиристодан манъ карда шуда буд. Хадамоти почтавии Иёлоти Муттаҳидаи Амрико инро ҳамчун «… почтаи Иёлоти Муттаҳидаи Амрико барои фиристодани бино пешбнӣ нашудааст!». Бонки Колтрап сохта то ҳол амал мекунад, агар Шумо онро диданӣ бошед, ба иёлоти Юта, шаҳри Вернал сафар кунед. Сокинони таҳҷоӣ боки Колтрапро «Банки амонатӣ» меноманд.
Нет комментариев