Ягон ашёи хонаи худро тасаввур кунед, мисол микроволновка. У ягон бор шуморо фиреб намедиҳад. Лекин бо ёрии интернет ӯ метавонад боз хубтар кор кунад.  Масалан, шумо субҳ аз хоб мехезед ва бояд ба кор равед. Аммо шумо хуши хестан надоред. Ҳарчанд шумо бояд хӯроки саҳарӣ хӯред. Аз зери болишт смартфонро гирифта ба он “Микровалновка, хӯрокро гарм намо — мегӯед”. Пас аз чанд дақиқа хӯрокатон тайёр мешавад. Бовар намекунед? Дар интернет аз боз дигар мӯъҷизаҳоро пайдо мекунед.

 «InternetofThings» ё  «интернетчизҳо» – ин гаҷетҳо ва техникаҳое мебошанд, ки байни худ тариқи интернет пайваст шудаанд. Ин як олами дигар дар ҷодаи техникаҳои муосир мебошад, ки чизҳои куҳна истифодабарии наверо ба худ мегиранд.

Масалан: яхдон на танҳо маҳсулоти хӯроквориро нигоҳ медоранд, балки ба супермаркетҳо фармоиш бораи харидорӣ намудани маҳсулот дода метавонад. Вилкаи «боақл» бошад ба шумо маслиҳат медиҳад, ки хӯрокатонро оҳиста хӯред то хӯрокатон хуб ҳазм шавад.

Аз сабаби паҳн шудани «интернетчизҳо» сӯҳбат каме нофаҳмо шуданаш мумкин. Масалан: пойпуши «боақл» тариқи «Bluetooth » ба смартфонатон хабар медиҳад, ки пойафзол фарсуда шудааст. Дар навбати худ смартфон тариқи WiFi ба интернет-мағоза фармоиш барои пойафзоли нав хабар медиҳад.

Лекин ҷои аслии «интернетчизҳо» ин соҳаи тандурустӣ мебошад. Доруи микросхемадор дар бораи ҳолати меъда, чӯткаи дандон тариқи интернет ба духтур ҳолати дандон, чанд маротиба шустани дандонро хабар медиҳад. Ин намудҳо ҳоло саршавии кор аст. Мутобиқи пешгӯиҳои Google то соли 2020 50 млрд. таҷҳизотҳо ба интернет пайваст карда мешаванд. Имрузҳо ба атласи «интернет чизҳо» гаҷетҳои зиёди шабакаӣ пайдо шуда истодаанд.