Ҳисор дар ду соли оянда ба шаҳри пешрафтаи саноатию сайёҳӣ табдил меёбад

0
1 078 просмотров

Дар зарфи ду соли оянда симои шаҳри Ҳисор бо бунёди биноҳои баландошёнаи маъмурию истиқоматӣ ва дигар инфрасохтори хизматрасонии замонавӣ куллан тағйир дода мешавад. Ин нуктаро иҷрокунандаи вазифаи Раиси шаҳри Ҳисор Қосим Роҳбар имрӯз дар ҷамъи хабарнигорон зимни нишасти матбуотӣ зикр намуд.

Қосим Роҳбар иброз дошт, ки барои ба шаҳри муосири пешрафтаю саноатӣ ва сайёҳӣ табдил додани Ҳисори шодмон дар робита ба ҷашни 35-умин солгарди Истиқлолияти давлатии Ҷумҳурии Тоҷикистон ва дар доираи Солҳои рушди саноат эълон гардидани солҳои 2022-2026, ки яке аз чор ҳадафи стратегии Ҳукумати  Ҷумҳурии Тоҷикистон маҳсуб меёбад, нақшаи чорабиниҳои мақомоти иҷроияи ҳокимияти давлатии  шаҳри Ҳисор  таҳия гардида, бо инобати фикру пешниҳоди сокинон дурнамои соҳаҳои иқтисодию иҷтимоӣ ва фарҳангии шаҳр муайян  карда мешавад.

Ҳамзамон Қосим Роҳбар афзуд, ки соли гузашта сокинони шаҳри Ҳисор ҷашни бузург — 30-юмин солгарди Истиқлолияти давлатии Ҷумҳурии Тоҷикистонро бо дастоварду комёбиҳо ҷамъбаст намуданд ва 874 иншооти дорои таъйиноти гуногун мавриди истифода қарор дода шуданд.

Дар соли сипаришуда ҳаҷми маҷмӯи маҳсулоти  минтақавӣ  дар шаҳр беш аз 3,2 миллиард  сомониро ташкил намуд, ки суръати рушди он ба 109,8 фоиз  баробар гардидааст.

Манбаъ: АМИТ «Ховар»

Нет комментариев

Также рекомендуем

Сообщить об опечатке

Текст, который будет отправлен нашим редакторам: