2016 — Cоли кадоме аз ҳайвонот мебошад?
Қабл аз фарорасии ҳар соли нави мелодӣ одамон бештар дар бораи он фикр менамоянд, ки маҳз аз рӯи тақвими шарқӣ он чи гуна сол бошад.
Маймун — ин аст, соли 2016. Аз рӯи тақвими шарқ он чи гуна ҳайвон мебошад? Зимнан ҳайвон сурх ва оташину шӯълавар мешавад. Аз ин рӯ, он метавонад дар назар бисёр оташин, шӯху бозингар ва соҳиби эҳсосоти мусбати дурахшон намояд.
Дар ҳар 12 сол давраи ҳайвонот дигаргун мешавад. Одамоне, ки дар соли дӯстдори махсус таваллуд шудаанд, охири даври 12-соларо бесаброна интизор мешаванд. Барои онҳое, ки дар соли Маймун, масалан, 12, 24 сол пеш ва ғайра, ба дунё омадаанд, ин даври зиндагӣ ҳаёти хушбахтонаро ваъда медиҳад. Дар мизи солинавӣ ҳамасола хӯриши “мимоза” комилатр ба назар мерасад.
Муҳим! Сарфи назар аз он, ки мо соли нави мелодиро санаи 1-уми январ ҷашн мегирем, дар асоси тақвими шарқӣ соли нав баъдтар фаро мерасад. Ҳар вақт он дар санаи гуногун, вобаста ба мавқею ҷойгиршавии Моҳ, аз моҳи январ то моҳи март рост меояд. Соли нави 2016 аз рӯи тақвими шарқӣ танҳо ба санаи 8-уми феврал рост меояд.
МАЪЛУМОТИ АСТРОЛОГӢ
Албатта, на ҳама ба пешгӯиҳои гуногун бовар мекунанд. Бахусус, агар ба он Шарқи дур дахлдор бошад. Вале, пас аз муайян кардани он, ки соли 2016-ум аз рӯи тақвими шарқӣ соли кадом намуди ҳайвон аст, аксарият кӯшиш менамоянд барои писанд омадан ба муҳофизу пуштибони сол (покровитель года), онро арзанда ва дуруст пешвоз гиранд. Чаро не, агар қадре ҳам имкони боварӣ дошта бошад, ки маймун дар ҳақиқат хушбахтӣ, иқбол ва муваффақият меорад!
Ба хотири ба худ наздик гузоштани Маймун, Соли нави мелодиро бояд ба таври махсус таҷлил намоем. Ин ҳайвон эҷодкориро дӯст медорад. Аз ин рӯ, ба ашхосе, ки бо фаъолияти эҷодӣ машғуланд, дар соли 2016 бисёр омад мекунад. Бахусус, ба рассомон, навозандагон ва шоирон. Табиати маймуни оташин водор менамояд, ки он ҳамеша ба пеш ҳаракат кунад. Аз ин рӯ, пирӯзиҳоро сайёҳон низ метавонанд интизор шаванд.
2016 — Соли Маймуни оташин хоҳад буд
Маслиҳат! Модоме, ки Маймуни маҳз оташин хоҳад шуд, пас ба шумо зарур аст, то тарзи ороиши дастархони солинавиро дастгирӣ намоед. Арчаро оро дода, бештар аз бозичаҳои рангаш сурх истифода кард, ба дарахтон чароғи рӯшан ва дурахшонро ҷой намуд. Ҳамаи ин, аз рӯи гуфти мунаҷҷимон (астрологҳо), ба хона барору комёбӣ хоҳад овард.
Нафароне, ки дар соли Маймуни оташин таваллуд шудаанд — дар ҳаёт раҳбар мебошанд, ҳамеша аз зиндагӣ он чиро мехоҳанд ба даст меоваранд. Онҳо хеле эҳсосӣ ҳастанд ва дар як вақт ҳамеша эҳсосоти худро аз дигарон пинҳон карда метавонанд, ки ин амал ба онҳо дар ҳама ҳолат муваффақият меоварад.
Бачагоне, ки дар ин сол ба дунё омадаанд, бо фаҳмиши хубу доноии худ аз дигарон фарқ мекунанд. Барои онҳо ақлу хотири тезу мустаҳкам ва тафаккури таҳлилӣ хос аст. Аз чунин фарзандон албатта, инсонҳои муваффақ, баъзан, ҳатто ҳунармандони маъруф ба воя мерасанд. Вале, аксарияти онҳое, ки дар соли Маймуни оташин таваллуд шудаанд, аз фаъолнокии аз ҳад зиёд азоб мекашанд. Ин одамон суботкор нестанд, ки зуд-зуд зарур мешавад.
Ба ҳамагон маълум аст, ки маймунҳо чанд хел мешаванд. Масалан, хурд — игрункаи пакана ва калон — Горилла ё худ маймуни одамшакл.
МАЙМУН (Simia ё Anthropoidea), ҳайвонест ширмак. Дарозии танаш аз 15 см (игрункаи пакана) то 2 м (горилла), вазнаш аз 0,4 кг то 180 кг мешавад. Мағзи сари маймунҳо хуб инкишоф ёфтааст. Нохунҳои панҷаҳояшон ҳамвор (танҳо нохунҳои Callithricidae чанголшакл). Дасту пояшон 5–тои панҷа дошта, барои зиндагӣ дар болои дарахт мувофиқанд.
Рӯй ва суфраи гӯши маймун мӯй надорад. Дандонҳояш мисли дандонҳои одамон аст. Меъдааш содда (фақат баъзе маймунҳои растанихур меъдаи мураккаб доранд) буда, узвҳои ҳис, сомеа ва босирааш бештар тараққӣ кардааст.
Ранги мӯи бадани маймунҳо (розалия, мандрил, пигатрикс, мартишка ва ғайра) кушод аст. Ба маймунҳои одамшакл гиббон (дар ҷангалзорҳои Африкои экваторӣ) ва орангутан (дар ҷазираҳои Суматра ва Калимантан) мансубанд. Бештари маймунҳо рӯзона гурӯҳ–гурӯҳ мегарданд, дар болои дарахтҳо зиндагӣ карда, меваю барг, навдаҳои дарахт, ҳашарот, тӯқумшуллук, тухми паррандаҳо ва паррандаҳои майдаро мехӯранд. Мор, паррандаҳои соҳибчангол ва тимсоҳ душманони асосии маймунанд. Маймунҳо тамоми фасли сол меафзоянд (якто бача таваллуд мекунанд). Даври ҳамлашон аз 4–5 моҳ то 245–255 шабонарӯз аст. Маймунҳои хурд 20–25 сол ва маймунҳои калон то 40 сол (баъзан бештар) умр мебинанд.
Бисёр намудҳои маймун (розалия, греветсаи сабз, орангутан, шимпанзе, горилла) ҳифз карда мешаванд.
Дар халқ мақоле ҳаст: “Одамӣ ҳам пеш аз он к-одам шавад, бӯзина буд?” Вале, ин мавзӯи дигар аст, ки албатта бозмегардем.
Дар охир таваҷҷӯҳи Шуморо ба ҳикояте ҷалб карданием, ки хеле ба маврид аст: — Рӯзе ҳазрати Сулаймон озмун эълон мекунад. Ҷорчиҳо кӯҳу бешаҳо рафта, фарёд мекашанд: «Эй ҳайвоноту ҷонварон, надидаам нагӯед, нашунидаам нагӯед! Бачаҳоятонро гирифта назди ҳазрат биёред! Бачаи кадоме дар зебоӣ ғолиб ояд, ҷоиза мегирад!». Ҳамаи модарҳайвонҳо бачаҳояшонро ба майдони озмун меоранд. Ҳазрати Сулаймон бачаҳои шер, рӯбоҳ, хирс, гург, шағол, паланг, суғур, санҷобро аз назар гузаронда, назди маймун меояд. Мегӯяд: «Эй маймун, ана мебинӣ, бачаҳои ин ҳайвонҳо чӣ андоза зебо, базебанд. Ту ин бачаи безебатро бо кадом умед ба озмун овардӣ?!» Маймун бо ифтихор ҷавоб мегардонад: «Бачаи ман барои ман аз ҳама зеботару базебтар аст».
Пас дар ин рӯзҳо бо Соли 2015 — Соли гӯсфанд хайрбод намуда, Соли 2016 — Соли Маймуни оташинро ба сарзаминамон хайрамақдам мегӯем!
Марҳабо, Соли нави мелодии 2016-ум!
Нет комментариев