Имрӯз, 8-уми ноябр дар ИМА интихоботи президентӣ баргузор ва номзадҳои ду ҳизб — Ҷумҳурихоҳ ва Демократ барои Кохи сафед рақобат хоҳанд кард.
Ҳиллари Клинтон, намояндаи Ҳизби демократ ва рақибаш аз Ҳизби ҷумҳурихоҳ Доналд Трамп охирин фурсатро барои ба даст овардани ҳимояти раъйдиҳандагон дар аёлатҳое, ки натоиҷи онҳо ҳалкунанда аст, дирӯз истифода карданд.
Бар пояи назарсанҷиҳо, рақобати номзадҳо дар аёлатҳои мазкур ба ҳадди ниҳоӣ расида буд, вале намояндаи Ҳизби демократ нисбат ба рақибаш дар ин аёлатҳо маъруфтар аст. Номзади ҷумҳурихоҳон рӯзи худро аз Флорида оғоз карда, баъдан озими Каролинаи Шимолӣ шуд. Бино ба иттилои назарпурсии Донишгоҳи Квиннипэк, ҷонибдорони Клинтон дар ин ду аёлат назаррас нестанд.
Трамп барои соҳиб шудани 270 овоз ва мақоми раҳбарии Кохи сафед бояд дар Флорида ва Каролинаи Шимолӣ баранда эълон шавад. Аммо Клинтон барои касби ин миқдори раъй ва мақоми президентии ИМА имконияти бештар дорад.
Манбаъ: tojnews.org
Нет комментариев