«Ливерпул» расман гузариши сарвони хеш Ҷордан Хендерсонро ба «Ал-Иттифоқ» аз Арабистони Саудӣ тасдиқ намуд.
Чанде пеш худи Хендерсон дар саҳифаи инстаграмаш оиди рафтан аз «Ливерпул» эълон карда буд, замоне, ки дар тамринҳои «Ал-Иттифоқ» дар Хорватия қарор дошта буд.
Акнун бошад гузариши Хендерсон бо арзиши қариб 12 миллион фунт ҷамъи иловапулиҳо тасдиқ шуд. Дар сафи «Ал-Иттифоқ» Ҷордан шартнома бо маоши 700,000 фунт дар як ҳафта ба даст овард.
Нақши калидӣ дар гузариши бозигари 33-сола ба Арабистони Саудӣ нафари дастони «Ливерпул» ва айни ҳол сармураббии дастаи «Ал-Иттифоқ» Стивен Ҷеррард бозидааст.
Ҳамин тариқ, Хендерсон дастаи «Ливерпул»-ро баъди 12 мавсим тарк мекунад. Дар масири ин муддат Ҷордан 492 бозӣ гузарони ва 33 гол ба самар расонид. Танҳо Ҷейми Каррагер ва Ҷеррард бештар аз ӯ дар Премер-Лигаи Англия дар сафи тим аз шаҳри Ливерпул ба майдон омадаанд.
Дар масири 12 мавсим Хендерсон бо «Ливерпул» ғолиби Премер-Лига, Ҷоми Англия, ду Ҷоми Лига, Лигаи Чемпионҳо, ва Суперҷоми Англия, Суперҷоми Аврупо ва чемпионати бошгоҳии ҷаҳон гардидааст.
Манбаъ: Варзиш-ТВ
Нет комментариев