Мақоми сеюми Лазарев дар “Евровидение”: кӣ якум шуд?

0
3 157 просмотров

Сарояндаи рус Сергей Лазарев бо иҷрои суруди “Scream” (фарёд) дар даври ниҳоии «Евровидение-2019» мақоми сеюмро соҳиб гашт

Дар пайи овоздиҳӣ Лазарев бо 369 хол, ки 125 холашро тамошобинон ва 244 холро доварони касбӣ доданд, дар мақоми сеюм қарор гирифт.

Суруди “Scream”-ро овозхон ва оҳангсози Русия, Филипп Киркоров, оҳангсоз аз Юнон Димитрис Контопулос ва мусиқачӣ аз ИМА Шарон Вон эҷод кардаанд.

Баҳои ҳадди аксар – 12 холро ба Русия танҳо як кишвар – Озарбойҷон сазовор донистааст.

Мақоми аввалро дар “Евровидение-2019” овозхон аз Нидерланд, Дункан Лоуренс соҳиб гашт.

Тамошобинон барои суруди “Arcade” ба Лоуренс 261 хол ва доварони касбӣ 231 хол сазовор донистанд ва ӯ бо 492 хол дар ҷои якум қарор гирифт.

Озмуни «Евровидение-2019» имсол дар шаҳри Тел-Авиви Исроил баргузор шуд ва феълан маълум нест, ки соли оянда кадом шаҳри Нидерланд мизбони ин озмуни байналмилалӣ хоҳад шуд.
Манбаъ: https://sputnik-tj.com/culture/

 

Нет комментариев

Также рекомендуем

Далелҳои ҷолиб дар бораи селфи

Кадом калима дар ҷаҳон аз ҳама маъмул мебошад? Англисҳо мешуморанд, ки ин калимаи “селфи” мебошад! Дар ин бора ҳамчунин дар луғати Оксфордӣ низ маълумот оварда ...

Сообщить об опечатке

Текст, который будет отправлен нашим редакторам: