Толибилмони макотиби таҳсилоти миёнаи умумии Тоҷикистон аз 1 январ то 1-уми феврал ба таътил мебароянд.
Дар ин бора фармони дахлдори вазири маориф ва илми ҷумҳурӣ Нуриддин Саид ба имзо расидааст.
Тавре ки Эҳсон Хушвақтов, котиби матбуотии Вазорати маориф ва илми ҶТ дар ин робита иттилоъ дод, 1-уми феврал толибилмон боз ба дарсҳо бармегарданд.
Таътилҳои тирамоҳӣ ва баҳории хонадагонро Вазорати маориф ва илм ҳанӯз се сол пеш бекор карда буд. Қаблан агар толибилмони мактабҳои таҳсилоти умумӣ аз 1 то 12-уми январ истироҳат мекарданд, пас феълан таътил як моҳи пурра давом мекунад.
«Агар соли гузашта толибилмон дар таътили зимистона ба машғулиятҳои иловагӣ ҷалб мешуданд, имсол дигар аз ин таҷриба кор гирифта намешавад. Толибилмон бояд дар хонаашон адабиёти дар рӯйхати Вазорат тавсияшуда барои муассисаҳои таълимиро хонанд», — қайд кард Хушвақтов.
Зимнан зикр гардид, ки давоми таътил омӯзгорон дар давраҳои омӯзишии такмили ихтисос ба машғулиятҳо фаро гирифта мешаванд.
Дар ин бора www.pressa.tj хабар медиҳад.
Хайрият ки истирохат мешад майнахои сар дам мегирад. Рахмат
дар хавои сард тахтил барои синфхои поёни душвортар аст хуб чудааст чунин карорро баровардаанд . Лекин дар вакти тахтил дар хона бояд дарсхои гузаштаашонро такрор кунанд
хеле карори хуб
хавои хунук дар пеш бояд дар ин вакт истирохат кунанд
Хочу быть школьником..