Манижа Давлатова ба саҳна бармегардад

Овозхони номдор Манижа Давлат пас аз 11 соли канорагирӣ аз саҳна эълом кард ки ба зудӣ ба саҳна бар мегардад.

Саҳифае ки бо исми «Манида Давлат» дар Facebook пахш гардидааст.

Манижа Давлат сарояндаи овозадори тоҷик дар сафҳаи фейсбукияш эълом карда, ки дар ояндаи наздик ба саҳна бар хоҳад гашт.

«Барои баъзе санъаткорҳое, ки хеле талош карданд, ки ман аз саҳнаву ҳаводоронам дур шавам то, ки онҳо рушд кунанд ва барои ин бисёр чизҳо ва номи бисёр нафаронро истифода бурданд.

Ҳарчи, ки хостанд дареғ надоштам ва шанс додам. Гуфтам: «агар ба ҳамин қадар кор душмани ман хурсанд гардад ман розӣ ҳастам… Саволе ба миён меояд, ки онҳо ҳам метавонанд 11 — 12 соли умри худро барои ман дареғ надоранд. Агар тавонанд — МАН БА САҲНА МЕБАРОЯМ!», — навиштааст Манижа Давлат дар сафҳаи фейсбукии худ.

Скриншот соати 6:25, 03/08/2017с. дастрас шудааст

Манижаи Давлат камобеш 15 сол пеш аз ин рӯи саҳнаи ҳунар омад ва дар муддати кӯтоҳе миёни форсизабонҳо маҳбубияти хос пайдо намуд. Нахустин барномаи ҳунарии ӯ соли 2002 дар «Кохи Борбад» баргузор шуда буд.

Дар поён клип-суруде аз саҳифаи Fаcebook оварда шудааст (барои тамошои клип, интернет трафики иловаги ситонида мешавад)