Баъди ба роҳ мондани муносибатҳои дӯстона байни ду давлати ҳамҷавор Тоҷикистон ва Ӯзбекистон муносибатҳои корӣ дар ҳама самтҳо густариш ёфтанд. Сол аз сол дар баробари ба роҳ мондани муносибатҳои тиҷоратию сармоягузорӣ дар самти соҳаи тандурустӣ низ тадбирҳои амалӣ андешида истодаанд. Ин аст, ки дар шаҳри Хӯҷанд Маркази ташхисию табобатии “Дастаи дил” ташкил карда шуд, ки он бо маблағгузории соҳибкори маҳаллӣ Насим Мирпочоев дар ҳамкорӣ бо табибон ва сармоягузорони Ҷумҳурии Ӯзбекистон таъсис дода шуда, бо навтарин таҷҳизоти тиббӣ таъмин мебошад. Тавре иттилоъ дода шуд, марказ дорои таҷҳизотҳои навтарин буда табобати рагҳои хунгарди организми инсон бе ҷарроҳӣ ва беҳушкунӣ дар мӯҳлати кӯтоҳ бо истифода аз технологияи муосир ташхису табобат карда мешавад.
Дар Маркази ташхисию табобатии “Дастаи дил” мутахассисони варзидаи маҳаллӣ, табибон аз Федератсияи Русия ва Ҷумҳурии Узбекистон кор мекунанд. Табибони марказ бо мутахассисони соҳаи тиби ҷумҳуриҳои Қазоқистон, Озарбойҷон ва Туркия ҳамкории зич дошта, миёни ҳам пайваста табодули таҷриба менамоянд.
ҳоло дар марказ 70 нафар бо ҷои кори доимӣ ва маоши хуб таъмин шудааст ва муассисон нақша доранд, оянда бо васеъ намудани доираи фаъолият шумораи кормандонро ба 100 нафар расонанд.
Озмоишгоҳи марказ аз панҷ ҳуҷра иборат буда, дар он бо истифода аз дастгоҳу таҷҳизоти навтарин 35 намуди таҳлили тиббӣ саривақт ва бо сифат гузаронида мешавад.
Дар Маркази ташхисию табобатии “Дастаи дил” 120 ҳуҷраи табобатию бистаригардонӣ ва ёрирасон мавҷуд буда, дар як рӯз ба 100 нафар ниёзманд хизмати тиббӣ расонида мешавад. Дар як вақт имкон аст 50 нафар бемор ба табобат фаро гирифта шавад.
Суроға: Ҷумҳурии Тоҷикистон, шаҳри Хуҷанд, кӯчаи Исмоили Сомонӣ 228а,
Тамос: 92 874 0011 , Ramesh.hamraev@gmail.com
Нет комментариев