Дар пули ҷашнии шаҳри Хуҷанд бо иштироки Раҷаббой Аҳмадзода ва намояндагони соҳаҳои мухталифи МИҲД шаҳр барои ободу зебо гардидани кӯчаҳои марказӣ, наздик 200 бех навъи дарахти Ардач шинонида шуд. Раҷчаббой Аҳмадзода изҳор дошт, ки имсол дар шаҳри Хуҷанд зиёда аз 100 ҳазор бех ниҳолҳои сояафкан ва ороишӣ ва зиёда аз 1млн гул ва лолаҳои гуногун шинонида мешавад. То имрӯз бошад дар кӯчаҳои Исмоили Сомонӣ, маҳаллаи 27 ва дигар кӯчаҳои марказӣ зиёда аз 500 адад дарахти Ардач шинонида шудааст. Ғуфрон Муродов намоянда аз сарраёсати Ободонии хоҷагӣ, манзилию коммуналии шаҳри Хуҷанд иброз намуд, ки навъи дарахти Ардач дар махсус ҷой нигоҳубин ва парвариш шуда, баъди 4-5 сол ба заминҳои кишт шинонида мешаванд. Дарахти Ардач ҳамешасабз буда, дар ҳама фасли сол ба ҳусни шаҳр зебоӣ мебахшад. Бинобар маълумоти сарраёсати ободонӣ ба ҷои дарахтони хушк ва нодаркори кӯчаҳои шаҳри Хуҷанд зиёда аз 100 ҳазор адад ниҳолҳои нави сояафкан ва ороишӣ шинонида хоҳад шуд. Дар ин бора ҳамкоронамон аз ТВ Азия иттилоъ медиҳанд.
Баргузории семинари иттилоотӣ дар шаҳри Хуҷанд
Дар шаҳри Хуҷанд дар мавзӯи “Иҷрои тавсияҳои давлатҳои аъзои Шӯрои Созмони Милали Муттаҳид оид ба ҳуқуқи инсон тибқи расмиёти Шарҳи универсалии даврӣ (даври дуюм) барои ...
бигзор шахрамон хамеша мисли хамин дарахтон сарсабз бошад
рахмат ба раиси шахр барои чунин икдоми нек