Ба таъкиди масъулини Агентии хоҷагии ҷангали назди Ҳукумати Ҷумҳурии Тоҷикистон аз ҷониби кормандон ва ташкилоту муассисаҳои зерсохтори он соли 2014-ум дар роҳҳои Душанбе- Ваҳдат-Кӯлоб, Душанбе-Хуҷанд, Душанбе-Қӯрғонтеппа ба миқдори 14,7 ҳазор бех ниҳоли сояафкану ороишӣ шинонида шудааст. Маъракаи ниҳолшинонӣ феълан дар ҳоли идома аст. Таъкид рафт, ки бо мақсади мустаҳкам афзоиш ёфтани ниҳолҳо ин маърака дар фасли тирамоҳ ва зимистон амалӣ мегардад. Яке аз вазифаҳои афзалиятноки кормандони Агентӣ ва ташкилоту муассисаҳои зерсохтори он бунёд ва барқароркунии ҷангалҳо маҳсуб меёбад ва дар ин давра 1 ҳазору 233 гектар ҷангали нав ташкил гардидааст. Инчунин ба миқдори 752 гектар ҷангали кӯҳна барқарор шуда, дар майдони 11 ҳазору 808 гектар корҳои нигоҳубини ҷагалзор анҷом ёфтааст. Иброз гардид, ки кормандони Агентӣ 2 ҳазору 30 санад оид ба қонунвайронкунии ҷангал ба маблағи 456 ҳазор сомонӣ тартиб додаанд. Масъулини Агентӣ дар робита ба нигоҳдории ҷангал, ҳайвоноту паррандагон, афзоиши дарахтон, ҷамъоварии ҳосили онҳо ва растаниҳои шифобахш низ тадбирҳои зарурӣ андешида, амалӣ намудаанд. Дар ин бора сомонаи jahonnamo.tj хабар медиҳад.
Нет комментариев