Нимҳимоятгари “Реал” ва барандаи “Тӯби тиллоӣ” Лука Модрич эҳтимол дорад, ки дар охири мавсими ҷорӣ дастаи шаҳри Мадридро тарк кунад.
Ба иттилои Relevo, роҳбарияти «Реал Мадрид» майл дорад, ки шартномаи ба охиррасидаи футболбози 38-солаи хорватиро тамдид накунад ва дар ҳафтаҳои наздик ин тасмимро расман эълон кунад.
Қайд карда мешавад, ки сабаби рафтани Модрич ин хоҳиши роҳбарияти тими шаҳри Мадрид барои додани вақти бештари бозӣ ба бозигарони ҷавон ва инчунин холӣ кардани варақаи маош дар интизори интиқоли Килиан Мбаппе хоҳад буд.
Ёдовар мешавем, ки дар мавсими ҷорӣ Модрич дар 43 бозии “Реал Мадрид” дар тамоми мусобиқаҳо ширкат карда, ба задани 2 гол ва 8 партофти головар даст ёфтааст.
Манбаъ: Варзиш-ТВ
Нет комментариев