Мори ало, як навъ морест безаҳр: Мушакҳои танаш хеле пурқувват, гавҳараки чашмаш амуди. Ду шуш дорад (шуши росташ нисбатан дарозтар аст). Пулакчаҳои баданаш майда, ҳамвор. Думаш кӯтоҳ, нисбатан ғафс. Дарозии баданаш то 90 см (одатан 60 – 70 см). Рангаш зарди буртоб ё сиёҳ, тахтапушт ва паҳлӯҳояш хол – хол.
Асосан дар адирҳои водии Ҳисор, даштҳои боло оби дарёи Зарафшон, водии Ҳисор, даштҳои боло оби дарёи Зарафшон, водии дарёи Сир, регзорҳои поёноби дарёҳои Вахш, Панҷ, Кофарниҳон маскун аст. Дар Бадахшон ва Помир нест. Мори печон бештар дар ҷойҳои камдолу дарахт зиндагӣ мекунад. Мори печон рӯзгард аст. Аз хоби зимистона моҳи март мехезад.
То гармои тобистон тамоми рӯз фаъол буда, баъд фақат шомгоҳон ё шаб мегардад. Мори тухмзиндазой аст. Моҳи май чуфти мешавад. Июн – авали август модинааш то 12 морбача (дарозиаш 13 – 14 см) таваллуд шудааст. Ғизои морбачаҳо гамбусакҳо, малах ва дигар мавҷудоти бемухра аст. Морҳои калон тавушкон, муши регзор, калтакалос ва баъзан паррандаҳои майдаро мехуранд.
Мори печон хояндаю малаххоро хурда ба халқи кишвар фоида меорад. Зохиран курморро мемонад, бинобар ин мардуми тахчойи онро барои муолиҷаи касалиҳо медоранд, ки дар натиҷа миқдораш солҳои охир кам шудааст.
Нет комментариев