Бо ташаббуси Академияи таҳсилоти Тоҷикистон ва Раёсати маорифи вилояти Суғд дар гимназияи рақами 2-и ноҳияи Бобоҷон Ғафуров конфронси илмӣ- амалӣ дар мавзӯи «Маърифати хонавода ва тарбияи фарзанд» бахшида ба Соли оила баргузор гардид.
Конфронсро бо сухани муқаддимавӣ мудири шӯъбаи Хадамоти давлатии назорат дар соҳаи маорифи Раёсати маорифи вилоят Абдураҳим Қурбонов оғоз бахшид.
Академик Маҳмадулло Лутфуллоев, мушовири президенти Академияи таҳсилоти Тоҷикистон дар мавзӯи «Ҳикмати сутунҳои хонавода», академик Қодир Қодиров, мудири шӯъбаи масъалаҳои сиёсати таҳсилоти Академияи таҳсилот дар мавзӯи «Мулоҳизае чанд перомуни вожаҳои «оила», «хонавода»», Султонмурод Туронов, мудири шӯъбаи илм ва инноватсияи Паҷӯҳишгоҳи рушди маорифи Тоҷикистон, номзади илмҳои педагогӣ дар мавзӯи «Хонавода ва тарбияи ватандорию ифтихори миллӣ» маърӯзаи илмӣ намуданд. Ҳамчунин як қатор олимони варзида аз Донишгоҳи давлатии Хуҷанд дар мавзӯи фарҳанги оиладорӣ маърӯзаҳо намуданд.
Дар фарҷом миёни олимон ва омӯзгорон дар мавриди оилаву оиладорӣ саволу ҷавоб баргузор гардид.
Дар ҷамъбаст муаллифи китоби «Алифбо» Маҳмадулло Лутфуллоев қайд кард, ки эълон шудани Соли оила аз ҳар як фарди бонангу ори кишвар тақозо дорад, ки оилаи худ, хонаводаи худро эҳтиёт намояд. Дар ин бора аз хадамоти матбуотии Раиси вилоят иттилоъ медиҳанд.
Нет комментариев