Аз 25 феврал то 3 марти соли 2024 дар вилояти Бодканди Ҷумҳурии Қирғизистон мулоқоти навбатии гурӯҳҳои топографӣ ва корӣ оид ба масъалаҳои ҳуқуқии ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон оид ба муайянкунӣ ва аломатгузории сарҳади давлатӣ баргузор гардид. Дар ин хусус ба АМИТ «Ховар» дар Кумитаи давлатии амнияти миллии Ҷумҳурии Тоҷикистон иттилоъ доданд.
Ҷонибҳо оид ба таъйини гузариши хати сарҳади давлатии Тоҷикистон ва Қирғизистон дар қитъаҳои боқимонда пешниҳодҳои худро мубодила намуданд.
Дар мавриди идома додани кор дар мулоқоти навбатӣ, ки дар қаламрави Ҷумҳурии Тоҷикистон баргузор мешавад, тавофуқ ба даст омад.
Вохурӣ дар фазои дӯстӣ ва ҳусни тафоҳум баргузор шуд.
Манбаъ: АМИТ «Ховар»
Нет комментариев