8 декабр дар шаҳри Тошканд мулоқоти Вазири корҳои хориҷии Ҷумҳурии Тоҷикистон Сироҷиддин Муҳриддин бо вазири корҳои хориҷӣ ва муносибатҳои байналмилалии Ҷумҳурии Италия Луиҷи Ди Майо баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни вохӯрӣ ҳарду ҷониб ҳолати кунунӣ ва дурнамои муносибатҳоро дар самти сиёсӣ, иқтисодӣ ва гуманитарӣ миёни Ҷумҳурии Тоҷикистон ва Ҷумҳурии Италия баррасӣ намуданд.
Инчунин миёни ҷонибҳо роҷеъ ба дигар масъалаҳои мубрами минтақа, аз ҷумла вазъ дар Афғонистон мубодилаи афкор сурат гирифт.
Ёдовар мешавем, ки Вазири корҳои хориҷии Ҷумҳурии Тоҷикистон Сироҷиддин Муҳриддин 8 декабр дар Тошканд дар ҳошияи Конфронси дуюми вазирони «Италия – Осиёи Марказӣ» дар қолаби С5+1 иштирок намуд.
Манбаъ: АМИТ «Ховар»
Нет комментариев