Зуком — бемории шадиди сироятӣ буда, он ба роҳи нафас мегузарад. Вируси зуком (грипп) қисми сирояти шадиди вирусии респираторӣ маҳсуб ёфта, бо гузашти вақт он метавонад ба эпидемия ва бемориҳои сироятӣ мубаддал гардад.
То имрӯз, беш аз ду ҳазор вирусҳои зуком ба қайд гирифта шудаанд, ки бо спектрҳои зиддиирсӣ аз ҳам тафовут доранд.
Чӣ тавр аз зуком раҳо ёбем?
Бо фарорасии мавсими сармо, зуком ба кӯдакон ва ҳам калонсолон таҳдид мекунад. Чӣ тавр бояд аз СШВР () худро ҳимоя намоем ва агар мубталои ин беморӣ гардидем, чӣ гуна дар шароити хона муолиҷа гирем?
Аввалин чизе, ки барои пешгирии бемории мазкур кӯмак мерасонад, ин гирифтани сӯзандору зидди зуком мебошад. Албатта, чунин намуди ҳимоя аз бемории зуком хуб аст, аммо бояд ба он аҳамияти ҷиддӣ зоҳир намуд. То имрӯз, бисёр намудҳои ваксина ва усулҳои гуногуни истифодабарии онҳо мавҷуданд.
Дар хотир доред, ки ваксина баъд аз сар задани беморӣ бесамар мегардад.
Бояд гуфт, ки ба ғайр аз ваксина, мо метавонем бо роҳҳои дигар худ ва наздиконамонро аз зуком ҳимоя кунем.
Яке аз роҳҳои натиҷабахш, ин дурӣ ҷустан аз шахсе, ки гирифтори ин беморӣ аст.
Агар ин имконнопазир бошад, метавон аз ниқоби тиббӣ истифода бурд.
Кӯшиш кунед, ки ба бинӣ ва чашмони худ даст нарасонед ва албатта, зуд-зуд дастонатонро шӯед. Илова бар ин, ба шумо зарур аст, ки мунтазам ҳавои ҳуҷраро тоза намуда, бо латтаи тар фарш ва токчаи пеши тирезаро пок кунед. Агар шумо дар хона чароғи ултрабунафш дошта бошед, метавонед аз он истифода баред, зеро он вирусу бактерияҳо нобуд месозад. Истифода бурдани воситаҳои хушбӯйкунанда низ, барои куштани вирус кӯмак хоҳанд расонд.
Боз як роҳи дигари ҳимоя аз бемории зуком, ин дар ҳамаи ҳуҷраҳо дар табақча гузоштани буридаи сир ё пиёз мебошад. Моддаҳои зиддибактериявие, ки аз онҳо хориҷ мешаванд, барои нобуд сохтани вирусҳо таъсири хеле калон мерасонанд.
Ҳангоми гирифтор шудан ба зуком, одатан дар шахси бемор баланд шудани ҳарорати бадан, табларза, сулфа, дард дар буғуму мушакҳо, бемадорӣ ва дарди сар мушоҳида мегарданд. Нафароне ҳастанд, ки аз дарди гулӯ ва рафтани об аз бинӣ азият мекашанд.
Ҳангоми дар хона табобат кардани бемор, бояд ӯро дар ҳуҷраи алоҳида бистарӣ намуд.
Хуб мешуд, ки зукомро бо тибби анъанавӣ муолиҷа намоем. Масалан, бо асал. Албатта, агар шумо ба он аллергия надошта бошед. Шумо метавонед онро бо шарбати лимӯ ё тамашк (малина)-и хушкшуда истеъмол кунед. Кӯшиш кунед, ки дар давоми рӯз на камтар аз 1,5 литр моеи гарм нӯшед. Беҳтар мешуд, агар дар он каме кислота, яъне нӯшокиҳои мевагӣ, чой бо шарбати лимӯ мебуд. Истеъмоли миқдори зиёди кислотаи аскорбин дар як рӯз (500 то 1000 мг) низ хеле мувофиқ аст.
Ба касе пӯшида нест, ки зуком ва ё дигар намуди бемории сирояткунандаро баландшавии ҳарорати бадан азият медиҳад. Дар ин ҳолат истеъмоли доруҳои бартарафкунандаи дард пешбинӣ мешавад, ки дар таркиби онҳо паратсетамол мавҷуд бошад. Агар ҳарорати бадани бемор баланд гардад, воситаҳои гармшавӣ (компресс, ваннаи гарм ) набояд истифода бурд.
Агар обравии зиёд аз бинӣ мушоҳида шавад, шарбати тару тозаи алоэ, сабзӣ ва лаблабу чаконед.
Барои бартараф намудани зуком, истифодабарии чунин усулҳои анъанавӣ хеле мусоиданд:
Компонентҳо:
Ҳамаи компонентҳоро омехта намуда, ба чор қошуқи он 700 мл оби ҷӯшонидашударо мерезем. Маҳлулро бояд як шаб нигоҳ дошт. Субҳ, онро 15 дақиқа дар болои оби гарм дошта, дар як рӯз се маротиба бояд истеъмол намуд.
400 грамм гули бобунаи хушккардашударо гирифта, ба болои он 10 литр оби ҷӯшидаистодаро резед. Баъди ним соати тайёр кардани маҳлул аз бобуна, онро ба ванна резед ва дар он 10-15 дақиқа оббозӣ кунед. Бояд ҳарорати об, ба 35-37 дараҷа гармӣ баробар бошад.
Чойи «Зидди зуком». Таносубан гули бобуна, баргҳои маҷнунбед, меваи хуч ва зерфунро омехта кунед. Ба як қошуқи ин омехта, як пиёла оби ҷӯшидаистада резед. Онро то 10 дақиқа нигоҳ доред ва аз дока гузаронед. Зарур аст, ки дар як рӯз аз сеяки маҳлули пиёла, 15 дақиқа пеш аз хӯрок истеъмол кунед.
Нет комментариев