Мусобиқаи «Antalya Grand Slam-2024» оид ба ҷудо имрӯз оғоз мешавад

0
229 просмотров

Дастаи мунтахаби Тоҷикистон оид ба гӯштини ҷудо дар мусобиқаи «World Judo Tour»- Antalya Grand Slam-2024, ки аз 29 то 31 март бо иштироки 628 ҷудочӣ аз 93 давлати ҷаҳон баргузор мегардад, иштирок менамояд. Дар ин хусус шореҳи варзиши АМИТ «Ховар» бо истинод ба Федератсияи ҷудои Тоҷикистон хабар медиҳад.

Ҷумҳурии Тоҷикистонро дар ин мусобиқа 12 варзишгар, аз ҷумда Аҳлия Муминова ва Насиба Карликова, ҳарду дар вазни то 52 кг, Меҳрзод Суфиев ва Ҳақдод Гулов, ҳарду дар вазни то 60 кг, Обид Ҷебов ва Эмомалии Нуралӣ, ҳарду дар вазни то 66 кг, Абубакр Шеров дар вазни то 73 кг, Сомон Маҳмадбеков дар вазни то 81 кг, Комроншоҳ Устопириён ва Умедҷон Раҷабов, ҳарду дар вазни то 90 кг ва Ҷаҳонгир Маҷидов ва Парвиз Абдураҳмонов, ҳарду дар вазни то 100 кг муаррифӣ менамоянд.

Имрӯз, дар рӯзи якуми мусобиқа Аҳлия Муминова ва Насиба Карликова (дар вазни то 52 кг), Меҳрзод Суфиев ва Ҳақдод Гулов (дар вазни то 60 кг), Обид Ҷебов ва Эмомалии Нуралӣ (дар вазни то 66 кг) рақобат менамоянд.

Манбаъ: АМИТ Ховар

Нет комментариев

Также рекомендуем

Сообщить об опечатке

Текст, который будет отправлен нашим редакторам: