Имрӯзҳо ҳамаи мову шумо, яъне одамони оддӣ ва шахсони касбӣ набуда ҳам метавонем бо усулҳову барномаҳои гуногуни таҷҳизот ва гаҷетҳо аксҳои гирифтаи худро ороиш дода, танзим намоем. Ва ҳангоме ки ман ба кор омадам ҳамкорам Мутрибахон «Аваҷон, ман аксбардорӣ касбӣ шудаму шумо хабар надоред!» гӯён бо фахр ба ман суратҳои гирифтаи худро нишон дод. Дидам ки аксҳо хеле рангину ҷолиб ва бо ороишоти ғайриоддӣ зинат дода шудаанд. Расмҳои гирифташудаи вай ба ман хеле писанд омаданд. Ва ҳисси кунҷкобиам боло гирифту аз ӯ хоҳиш кардам, ки ба ман ҳам сирри ин корашро биомӯзонад.
Дар ҷавоби ин ҳоҳиши ман Мутрибахон бо ҳазл гуфт, ки «сабзчаҳои бисёр доред – мӣ, охир?» «Барои шумо-мӣ: як оламу боз андак» гӯён ман ҳам бо ханда ҷавоб гардонидам. Вай ҳамаи амалиётҳои иҷро кардаашро як ба як ба ман нишон дод. Дар аввал он ба назарам душвор намуд, аммо вақте ки он амалҳоро худам мустақилона як- ду бор иҷро кардам, ба назарам хеле осон намуд. Фикр мекунам, агар шумо ҳам ин корро карда тавонед, ҳоҷати ба назди аксбардор рафтан намемонад.
Ҳисси кунҷкобии шумо ҳам боло гирифт, мехоҳед ки шумо ҳам аксҳои рангину ҷолиб дошта бошед? Пас ба истиноди зерин https://play.google.com/store/apps/details?id=com.cyworld.camera рӯй оваред! Маҳорату малакаи хешро бисанҷед! Охир майдон аз далер аст!
Дар ин росто ба чӣ гуна натиҷаҳо расидед, муваффақ гаштед ё на, лутфан ирсоли ақидаҳои хешро аз хотир набароред.
Нет комментариев