Нақшаи даъват ба хизмати ҳарбӣ барзиёд иҷро шуд

0
1 553 просмотров

Иҷрои нақша 8 рӯз пеш аз анҷоми маъракаи расмӣ муяссар гардид.

Нақшаи даъвати тирамоҳӣ ба хизмати ҳатмии ҳарбӣ дар сафи Қувваҳои Мусаллаҳи Тоҷикистон ба санаи 22 ноябр барзиёд иҷро ва 101%-ро ташкил медиҳад, хабар дод ба “Азия-Плюс” сардори маркази матбуоти Вазорати мудофиаи Тоҷикистон майор Ориф Нозимов.

Айни замон тақсимоти наваскарон ба қисмҳои низомӣ ва воҳидҳои ҳарбӣ идома дошта, аксари даъватшудагон аллакай савганд ёд кардаанд ва дар давраҳои омӯзишии сарбози ҷавон малакаҳои ҳарбӣ меомӯзанд.

Соли ҷорӣ афзоиши шумори ҷавононе, ки ихтиёрӣ ба хизмати ҳарбӣ омадаанд, ба мушоҳида расид. Аз ҷумла, дар вилояти Суғд 1000 нафар ҷавонон ихтиёрӣ ба хизмати ватан рафтанд.

Соли равон Комиссияи ҷумҳуриявии даъвати тирамоҳӣ ба хизмати ҳарбӣ дар сафи Қувваҳои Мусаллаҳро муовини сарвазири Тоҷикистон Азим Иброҳим роҳбарӣ мекунад.

Маъракаи даъвати тирамоҳӣ ба хизмати ҳарбӣ дар Тоҷикистон 1-уми октябр оғоз гардида, то 30-юми ноябр идома меёбад. Ба хизмати ҳатмии ҳарбӣ  шаҳрвандони синнусоли аз 18 то 27-сола, ки барои мавқуф гузоштани хизмат ё озод шудан аз он ҳуқуқ надоранд, даъват карда мешаванд.

Мебояд гуфт, ҳамасола ба хизмат дар сафи Қувваҳои Мусаллаҳи кишвар тақрибан 15-16 ҳазор нафар даъват карда мешаванд. Дар Тоҷикистон зиёда аз 600 ҳазор нафар ҷавонони синнусоли мувофиқ ба хизмати ҳарбӣ ба сар мебаранд, аммо ҳудуди 150 ҳазор нафари онҳо мӯҳлати хизматашонро мавқуф гузоштаанд ё аз хизмат озод карда шудаанд ва ё барои хизмати ҳарбӣ коршоям нестанд. Боз ҳудуди 100 ҳазор нафар шаҳрвандони синнусоли мувофиқ ба хизмати ҳарбии Тоҷикистон дар муҳоҷирати корӣ қарор доранд.

Қувваҳои Мусаллаҳи Тоҷикистон аз се навъи ҷузъу том – Қушӯнҳои зудамал, хушкигард, Қувваҳои ҳарбӣ-ҳавоӣ ва мудофиаи зидди ҳавоӣ иборат аст.

Манбаъ: https://news.tj/tj/

Нет комментариев

Также рекомендуем

Боздиди иштирокчиёни Press-СlubTojikiston аз нуқтаҳои такягоҳии Tcell дар Шахринаву Шоҳамбарӣ

Ширкати Tcell барои иштирокчиёни Press-СlubTojikiston, ки аъзояш аз котибони матбуотӣ, муттахассисони умури PR, ташкилотҳои байналмилалии сабтшуда дар Тоҷикистон иборат аст, пресс-тур доир кард. Барои мутахассисон ...

Сообщить об опечатке

Текст, который будет отправлен нашим редакторам: