Дар намоҳанги нави худ Манижа дар бораи хонаводае нақл мекунад, ки дар он падар ҳамсар ва духтарашро доим таҳқиру шиканҷа мекунад.
Овозхони номии тоҷик дар Русия — Манижа Сангин ба таронаи «Мама» — «Модар» намоҳанги нав пешниҳод кард.
Дар намоҳанг аз хонаводае нақл карда мешавад, ки марди оила ҳар шаб ба ҳамсар ва духтараш дармеафтад.
Коргардони намоҳанг Ладо Кватания буда, дар навор саҳнаҳои зӯроварӣ дида мешавад ва барои ҳамон он нишонаи «+18»-ро дорад.
Дар намоҳанг духтари наврас доим таҳқири шиканҷаи падарро нисбати модараш мушоҳида мекунад. То рӯзе, ки аз қуввае пайдо намуда, ба падар ғолиб ояд. Аммо он рӯз аллакай модарро аз даст медиҳад.
Дар анҷоми видое оморе пешниҳод мешавад, ки мувофиқи он ҳамасола дар Русия 36 ҳазор зан лату кӯби шавҳарро тоқат мекунад. Ҳамчунин қайд карда мешавад, ки аз зӯровари хонаводагӣ ҳар 40 дақиқа як зан мемирад.
«Ин танҳо намоҳанг нест, ин ишора ба кӯмаки як инсон ба инсони дигар мебошад», — тавзеҳ додааст намоҳанги худро овозхон.
Корбарони интернет клипи нави овозхони дӯстдоштаашонро хуб қабул кардаанд.
Нет комментариев