Бо мақсади баланд бардоштани самаранокии сиёсати давлат нисбат ба ҷавонон, ҳавасманд намудани донишҷӯёни болаёқат ва ба ин васила ҷалби онҳо ба донишандӯзию илмомӯзӣ моҳи декабри соли равон миёни донишҷӯёни муассисаҳои таҳсилоти олӣ ва миёнаи касбии вилоят озмуни вилоятии “Донишҷӯи сол — 2019” баргузор карда мешавад.
Дар ин бора қарори Раиси вилояти Суғд аз 28 феврали соли 2019, № 93 ба тасвиб расид.
Дар озмуни мазкур донишҷӯёни курсҳои 2, 3 ва 4-и муассисаҳои таҳсилоти олӣ ва донишҷӯёни курсҳои 2 ва 3-и муассисаҳои таҳсилоти миёнаи касбӣ, ки бо баҳои аъло таҳсил менамоянд, метавонанд иштирок намоянд.
Ба ғолибони озмун аз 800 сомонӣ то 3 000 сомонӣ мукофотпулиҳо супорида мешавад.
Манбаъ: Хадамоти матбуоти Раиси вилояти Суғд
Нет комментариев