Дар меҳмонхонаи “Хилтон” рӯзҳои 29-30 ноябр маросими муаррифии маҷмӯаи “Кӯҳистон” ва намоишгоҳ-фурӯши маснӯоти ҳунармандӣ ва косибӣ баргузор мешавад.
Ин чорабинӣ аз ҷониби Ташкилоти ҷамъиятии “Ассосиатсияи рушди сайёҳӣ дар Зарафшон” дар доираи амалисозии лоиҳаи “Фарҳангро эҳё намуда, оянда месозем” (Возрождаем культуру — строим будущее) доир гардида, маблағгузории онро сафорати Финландия ба дӯш гирифтааст.
Намоишгоҳ бо мақсади пешбурди ҳунарҳои мардумиву косибӣ ва сайёҳӣ дар водии Зарафшон, беҳбуди қобилият ва малакаҳои соҳибкорӣ байни занони сокинони деҳот, ҳамчунин шиносоии аҳолии шаҳр бо ҳаёт ва рӯзгор занони кӯҳистон гузаронида мешавад.
Дар ҳошияи кори чорабинӣ маросими муаррифии маҷмӯаи “Кӯҳистон” баргузор мегардад, ки дар доираи амалисозии лоиҳаи мазкур таҳия шудааст. Маҷмӯа аз маснӯоти дараҷаи Home Décor ва Accessory иборат аст, ки дар онҳо аз гулдӯзии сӯзанӣ, гилему қолинбофии омехта бо чарм истифода шудааст.
Манбаъ: https://news.tj/
Нет комментариев