Бо иштироки Раиси вилоят дар маҳаллаи Мевағули шаҳри Хуҷанд, дар микроноҳияи 18-ум таъмири 1 километр роҳи байни биноҳои истиқоматӣ оғоз ёфт. Ин кор бо маблағгузории мақомоти иҷроияи шаҳр ва кумаки соҳибкорон амалӣ карда мешавад.
Раиси вилоят аҳли маҳалларо бо ин руйдоди манфиатбахш ва ҷашни Истиқлолияти давлатӣ шодбош гуфта, дар посух ба дархости сокинон изҳор намуд, ки барои таъмири боз 300 метри боқимондаи роҳи байни хонаҳо то кучаи асост маблағ ҷудо хоҳад кард.
Дар маҳаллаи Темурмалики шаҳр, воқеъ дар микроноҳияи 3-юм бошад, кудакистони рақами 15 пас аз бозмонии тулонӣ аз кор, бо тарҳи наву замонавӣ дубора ба фаъолият шуруъ намуд. Ин кӯдакистон, ки беш аз 15 сол инҷониб дари хешро ба руи кудакон баста, дар ҳолати вайронӣ қарор дошт, бо маблағгузории мақомоти иҷроияи шаҳр дар ҳаҷми 4,5 миллион сомонӣ азнавсозӣ шуд ва мавриди истифода қарор гирифт. Кудакистони замонавӣ барои 360 тарбиятгиранда пешбинӣ шуда, дорои тамоми шароитҳои таҳсилу тарбия мебошад ва дар он кудакон ба 12 гуруҳ фаро гирифта мешаванд. Раиси вилоят бо шароити таълиму тарбияи кудакон дар гуруҳҳои таълимӣ ошно шуд. Кудакон ҳунару истеъдоди хешро дар бахшҳои гуногун ба Раиси вилоят намоиш доданд.
Раиси вилоят аҳли маҳалларо бо кушодашавии кудакистони нав таҳният гуфта, мактабу маорифро самти афзалиятноки сиёсати давлату Ҳукумат маънидод кард.
Фаъолияти кудакистон дар ин маҳалла зарур буд. Зеро ниёзмандон ба ин муассисаи томактабӣ зиёд буда, дар маҳаллаи Темурмалик, ки 2200 нафар аҳолӣ дорад, 224 нафарро ташкил медиҳанд.
Дар ин бора http://sugd.tj/index.php/tj/navid/5281-khujand хабар медиҳад.
Нет комментариев