Бо иштироки Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода, Раиси вилояти Суғд Раҷаббой Аҳмадзода ва дигар шахсони расмӣ ба мумфаршкунии роҳи алтернативии хиёбони Исмоили Сомонии маркази вилоят, аз наздикии бонки «Арванд» то буриши кӯчаи Камоли Хуҷандӣ оғоз бахшида шуд.
Қабл аз оғози корҳои роҳсозӣ Раиси вилояти Суғд Раҷаббой Аҳмадзода ва меҳмонон бо сокинони маркази вилоят суҳбат намуданд. Дар рафти суҳбат Раиси вилоят иброз дошт, ки ҷиҳати сазовор пешвоз гирифтани 30 – солагии Истиқлолияти давлатии Ҷумҳурии Тоҷикистон дар асоси Амри Президенти Ҷумҳурии Тоҷикистон муҳтарам Эмомалӣ Раҳмон аз ҳисоби аъзои Ҳукумати мамлакат ва кормандони масъули Дастгоҳи иҷроияи Президенти Ҷумҳурии Тоҷикистон, инчунин роҳбарони идораҳо ва мақомоти марказии ҳокимияти давлатӣ гурӯҳҳои корӣ таъсис дода шуда, аъзоёни гурӯҳҳои корӣ бо фаъолони шаҳру ноҳияҳои вилоят вохӯриҳо доир намуда, бо ҷараёни корҳои бунёдкорӣ шинос гардида истодаанд.
Раҷаббой Аҳмадзода бо ёдоварӣ аз раванди корҳои ободониву созандагӣ таъкид кард, ки мумфаршкунии роҳи мазкур дар заминаи дастуроти Пешвои миллат муҳтарам Эмомалӣ Раҳмон, ки зимни мулоқот бо аҳли ҷамоатчигии мамлакат баён намуда буданд, амалӣ гардида истодааст.
Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода зимни суҳбат қайд намуд, ки дар заминаи Фармони Презеденти Ҷумҳурии Тоҷикистон доир ба таҷлили 30 — солагии Истиқлолияти давлатии Ҷумҳурии Тоҷикистон дар вилояти Суғд бо қарори Раиси вилоят “1300 рӯзи меҳнати зарбдор” эълон шудааст ва дар доираи ин тадбир то имрӯз як қатор корҳои назаррас анҷом дода шудаанд ва мумфаршкунии роҳи мазкур аз ҷумлаи онҳост.
Дилшод Исматуллозода, муовини Роҳбари Дастгоҳи иҷроияи Президенти Ҷумҳурии Тоҷикистон низ аз густариши ободкорӣ ва созандагӣ дар вилояти Суғд изҳори қаноатмандӣ намуда, таъкид дошт, ки бояд ҳар як шаҳрванд бо ҳисси баланди ватандӯстӣ дар ободу зебо гардонидани Ватани маҳбуб саҳмгузор бошад.
Сипас, Нодирҷон Солиҷонов, раиси бахши суғдии Ассамблеяи «Дӯстии халқҳо» ва Бароат Махкамова, сокини шаҳри Хуҷанд аз вусъати корҳои созандагӣ дар маркази вилоят тавсиф намуда, аз сокинони шаҳр даъват ба амал оварданд, ки баҳри ободиии маҳал, шаҳр ва кишвари худ саҳмгузорӣ намоянд.
Ҷоиз ба зикр аст, ки дарозии роҳи мумфаршшаванда 620 метр ва бараш 12 метрро ташкил медиҳад.
Манбаъ: Хадамоти матбуоти Раиси вилояти Суғд
Нет комментариев