Пас аз эълони Microsoft Spartan, браузери интернетии навро собиқ раиси Opera пешниҳод кард. Маҳсулоти нав Vivaldi ном гирифта, тавре офарандагони он мегӯянд, он барои истифодабарандагоне, ки ба таҳрезӣ гардидани браузер хоҳиши зиёд доранд, пешбинӣ шудааст.
Браузери нав барои системаҳои оператсионии Windows, Mac ва Linux ҳанӯз дар ҷараёни такмилёбӣ қарор дорад. Аммо он аллакай як қатор хусусиятҳоеро, ки ба истифодабарандагони Opera шинос аст, ба монанди ишораҳо бо мушак (мышь), инчунин интерфейси маъруфгардидаи Speed Dial («панели фаврӣ»)-ро, ки барои намоиши фоторамкахои сайтҳои дӯстдошта истифода бурда мешаванд, пешниҳод менамояд. Дар байни дигар хусусиятҳояш, қайд мекунад манбаи The Next Web, имконияти омезиши ҷадвалбандиҳои бисёр барои осон кардани кор бо сомонаҳои мавзўӣ вуҷуд дорад, ки он барои сарфаи фосилаи браузер мусоидат мекунад. Илова бар ин, браузер имконият медиҳад, ки бевосита дар саҳифаҳои интернетӣ қайдҳо гузошта шаванд. Ҳамчунин метавон скриншотҳоро ба вуҷуд овард. Имконияти на камтар аз инро, барои истифодабарандагони ботаҷриба, вазифаҳои ба монанди тугмаҳои гарми навъи Spotlight дар OS X пешниҳод менамоянд.
Vivaldi зодаи собиқ CEO ва ҳаммуассиси Opera, Джон фон Течнер маҳсуб меёбад. Соли 2005 ин шахс гуфта буд, ки агар дар давоми чор рӯз версияи нави Opera 8-ро беш аз як миллион нафар дастрас кунанд, он Уқёнуси Атлантикро аз Норвегия ба Иёлоти Муттаҳидаи Амрико убур хоҳад намуд. Фон Течнер маҷбур шудааст, ки ба ваъдаи худ вафо кунад вале мутаассифона кӯшишҳои ӯ барбод рафта, ба муваффақият ноил нагардиданд. Баъд аз тарк гуфтани Opera, ӯ ширкати Vivaldi-ро таъсис додааст.
Вақте ки хабарнигорон ба ҳамкори муассиси Vivaldi, Татсуки Томиту бо суоли чаро онҳо қарор доданд, ки браузери навро дар бозори аллакай серодам бароранд, ӯ дар ҷавоб чунин гуфт:
“Мо зарурати офаридани браузери самараноктаринро барои истифодабарандагони серталаб эҳсос намудем. Бештари браузерҳои дар бозор буда, ба ҳамдигар монанданд”.
Ба саволи, Vivaldi аз Opera чӣ фарқият дорад ва чаро онҳо ба ҳамдигар монандӣ доранд, Татсуки посух дод:
Opera ҳамеша вазифаҳои беназири пешрафтаро пешниҳод менамуд. Аммо он ҳоло осонтар шудааст. Миллионҳо одамон то ҳоло аз нусхаи кӯҳнаи Opera истифода мебаранд.
Ҳамин тавр, диққати ибтидоии Vivaldi ба баъзе хусусиятҳо, ки дар гузашта Opera пешниҳод карда буд, ба зами ин ба маҷмӯи вазифаҳои иловагӣ дода шуд.
Ба ғайр аз муҳаррики Chromium (дар Google Chrome истифода бурда мешавад), дар Vivaldi чунин веб-технологияҳои муосир, ба монанди REACT, Node.js ва Node амалӣ карда шудаанд.
Кунун дар браузери нав танҳо дар нусхаи шиносоӣ дастрас аст, аммо ширкат нисбати он нақшаҳои калон дорад. Моҳҳои наздик Vivaldi ҳамоҳангсозиро бо хадамотҳои гуногун, дастгирии почтаи электронӣ, маҳсулнокии мукаммалгардида ва вусъатдиҳӣ ба даст меорад.
Vivaldi дар оянда чӣ гуна хоҳад буд, бештар он ба ҷомеаи-интернетӣ вобаста хоҳад буд. Тавре офарандагони он изҳор мекунанд, фаъолияти браузер барои қонеъ кардани талаботи истифодабарандагон равона карда мешавад.
Бояд қайд намуд, ки тафсири мобилии Vivaldi барои планшетҳо ва смартфонҳо, бо тайёрии хуб бароварда мешавад. Барои ин кор, ширкат ҳоло фаъолона кор карда истодааст.
Сарчашма: http://hi-news.ru/internet/sozdateli-opera-vypustili-novyj-brauzer-vivaldi.html
Нет комментариев