ОГОҲИИ АГЕНТИИ ОБУҲАВОШИНОСӢ

0
1 567 просмотров

26-27 декабр дар ҷумҳурӣ якбора номусоид шудани вазъи обу ҳаво дар назар буда, 26 декабр дар водиҳо борон ба барф гузашта, дар ноҳияҳои кӯҳӣ ва минтақаҳои алоҳидаи ноҳияҳои тобеи ҷумҳурӣ, вилоятҳои Хатлон, Суғд ва ноҳияҳои ғарбии Вилояти Мухтори Кӯҳистони Бадахшон барфи бошиддат меборад, иттилоъ доданд аз  Агентии обуҳавошиносии  Кумитаи ҳифзи муҳити зисти назди Ҳукумати Ҷумҳурии Тоҷикистон ба АМИТ «Ховар».

Ҳарорати рӯзонаи ҳаво дар ноҳияҳои водӣ-доманакӯҳӣ то 8-10 дараҷа паст мешавад. 24-27 декабр дар баъзе ноҳияҳо тормеғ (туман) мефарояд.

24-25 декабр дар вилояти Хатлон ҳавои тағйирёбанда, асосан бебориш (0-0,5мм) дар назар аст. 26-27 декабр ҳавои абрнок, дар ноҳияҳои алоҳида бориши борон ва  барф ба амал омада, 26 декабр дар баъзе ноҳияҳо барфи бошиддат меборад. Шамол аз самти ғарб бо суръати 4-9 дар як сония мевазад.

Дар вилояти Суғд ҳавои абрнок шуда, дар ноҳияҳои алоҳида бориши борон ба амал меояд. Шамол аз самти ғарб бо суръати 5-10 метр дар як сония мевазад. Ҳарорати ҳаво дар водиҳо паст шуда, аз 1 дараҷа хунук то 4 дараҷа гарм мешавад.

26-27 декабр дар ноҳияҳои тобеи ҷумҳурӣ ҳавои абрнок шуда, дар ноҳияҳои алоҳида бориши борон ва барф ба амал меояд. Дар баъзе ноҳияҳо тормеғ (туман) мефарояд. Шамол аз самти ғарб бо суръати 4-9 метр дар як сония мевазад.

Дар Вилояти Мухтори Кӯҳистони Бадахшон 26-27 декабр дар ноҳияҳои алоҳида бориши борон ва барф ба амал меояд. Шамол аз самти ғарб бо суръати 4-9 метр дар як сония мевазад. Ҳарорати ҳаво дар ғарби вилоят шабона 3-8 дараҷа хунук, дар баъзе ноҳияҳо то 8-13 дараҷа хунук, рӯзона 3+8 дараҷа гарм мешавад. Дар шарқи вилоят шабона 19-24 дараҷа хунук, дар баъзе минтақаҳо то 27-32 дараҷа  хунук ва рӯзона 8-13 дараҷа хунук мешавад.

Дар робита ба номусоид шудани вазъи ҳаво Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон низ ҳушдор медиҳад, ки барфи тар ва боди сард метавонанд ба хати интиқоли қувваи барқ зарар расонанд, эҳтимоли он низ вуҷуд дорад, ки дар баъзе минтақаҳо дарахтон аз вазнинии барфи тар шикананд.

Кумитаи ҳолатҳои фавқулода аз шаҳрвандон хоҳиш мекунад, ки дар ин рӯзҳо сафарҳои бе заруратро маҳдуд кунанд, аз корҳои саҳро муваққатан даст кашида, ба шикоргоҳ ва ҷамъоварии ҳезум нараванд.

Дар ин рӯзҳои сард Кумита ҳамчунин ба сокинон муроҷиат мекунад, ки қоидаҳои бехатариро риоя намоянд: дар хонаҳои истиқоматӣ бо вуҷуди будани системаи гармидиҳӣ аз рӯи эҳтиёт захираҳои гармидиҳанда бояд дошта бошанд.

Кумита ба ронандагони мошинҳои шахсӣ тавсия медиҳад, ки сари вақт чархҳои тобистонаро ба зимистона иваз кунанд. Ҳангоми ба сафар баромадан ҳатман бо худ бел, ресмону бандҳо, фонусҳо, халтаи қум, ғизои кофӣ барои муҳлати сафар дошта бошанд.

Ҳангоми рух додани ҳолатҳои фавқулода ва ё рӯйдоди нохуш шумо метавонед бо рақамҳои зерин ба навбатдори фаврии КҲФ муроҷиат намоед:

Қисми навбатдории Кумита — 112, 221-91-19, 223-13-11

Навбатдори масъул дар шаҳри Душанбе – 225-44-62, 225-44-76

Навбатдори масъул дар ВМКБ – рамз 3522 тел: 24057, 22744

Навбатдори масъул дар вилояти Суғд — рамз 3422 тел: 51555, 57995

Навбатдори масъул дар вилояти Хатлон – рамз 3222 тел: 23505, 27827

Навбатдори масъул дар гурӯҳи ноҳияҳои Кӯлоб – рамз 3322 тел: 21656, 21657

Навбатдори масъул дар гурӯҳи ноҳияҳои Рашт – рамз 3131 тел: 22374

Навбатдори масъул дар гурӯҳи ноҳияҳои Ҳисор – рамз 3139 тел: 26074

Кумита бо мақсади вокуниши саривақтӣ ба ҳолатҳои фавқулода ва таъмини бехатарии ҳаракат дар қитъаҳои махсусан осебпазири роҳҳои кишвар, аз қабили Майхура дар минтақаи Варзоб, километри 72-юми шоҳроҳи Душанбе-Айнӣ,   инчунин роҳи мошингарди Душанбе — Ванҷ навбатдории шабонарӯзӣ ташкил кардааст.

Манбаъ: АМИТ Ховар»»

Нет комментариев

Также рекомендуем

Сообщить об опечатке

Текст, который будет отправлен нашим редакторам: