Федератсияи футболи Тоҷикистон аз 4 июн фурӯши чиптаҳои бозии интихобии Ҷоми ҷаҳон-2026-ро оғоз намуд. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Дар баёнияе, ки Федератсияи футболи Тоҷикистон дар саҳифааш гузоштааст, чунин омадааст:
«Ба иттилои ҳаводорон ва мухлисони футбол, ки мехоҳанд дар шаҳри Душанбе дар бозии интихобии Ҷоми ҷаҳон-2026 байни дастаҳои мунтахаби Тоҷикистон ва Покистон иштирок кунанд, расонида мешавад, ки чиптаҳои бозӣ дар хазинаҳои Варзишгоҳи марказии шаҳри Душанбе дастрас ҳастанд. Нархи як чипта 30 сомонӣ мебошад. Чиптаҳоро аз платформаи echipta.tj низ харидан мумкин аст».
Ёдовар мешавем, ки бозии ниҳоии даври дуюми мусобиқаи интихобии Ҷоми ҷаҳон-2026 дар гурӯҳи «G» байни дастаҳои мунтахаби Тоҷикистон ва Покистон 11 июн, соати 20:00 дар Варзишгоҳи марказии шаҳри Душанбе баргузор мешавад.
Манбаъ: АМИТ Ховар
Нет комментариев