Пештар хабар дода мешуд, ки нимҳимоягари испанӣ қарори тарк намудани бошгоҳи каталониро тобистони соли 2023 баровардааст ва маҳз дар ҳамон вақт мӯҳлати шартномаи феълии Бускетс ба анҷом мерасад. Сипас Серхио ният қардааст, ки ба бошгоҳи МЛС гузариш намояд.
Чӣ тавре Mundo Deportivo менависад, сӯҳбат бо Хави андешаи Бускетсро дар ин бора дигар кард. Акнун бозигар метавонад рафтанаш аз «Барселона»-ро ба таъхир гузорад ва бо бошгоҳи каталонӣ шартномаро тамдид намояд.
Хави Бускетсро бозигари калидии «Барселона» дониста, бар замми ин муносибати гарми дӯстона миёни ин чеҳраҳои дастони тими каталонӣ ба чунин ранг гирифтани кор расидагӣ мекунад. Хави ба Серхио гуфтааст, ки бо вуҷуди вазъи молиявии бошгоҳ барояш ёфтани ивазкунандаи пурраи Бускетс хеле мушкил хоҳад буд. Мураббӣ қайд намудааст, ки «Барса» метавонист, ки мавқеҳои дигарро мустаҳкам намояд, агар, ки Бускетс баҳри тамдидкунии шартнома розигӣ диҳад.
Ҳамчунин қарори Лионел Месси низ ба ояндаи Серхио таъсир расонида метавонад. Онҳо ният кардаанд, ки дар якҷоягӣ дар сафи «Интер Майами» дар МЛС бозӣ намоянд, аммо айни ҳол баъди оне, ки Лео шартномаи навинро бо «ПСЖ» дуруст намуд, Бускетс омода аст, ки сафар ба ИМА-ро ба таъхир гузорад. Серхио бар он аст, ки то ҳол метавонад дар сатҳи олӣ бозӣ намояд. Нисбати гузариш ба бошгоҳ аз МЛС акнун таваҷҷӯҳи ӯ камтар шудааст ва ин ҳам баъди оне, ки Месси дар онҷо нахоҳад буд.
Қайд карда мешавад, ки рафтан аз мунтахаби Испания барои Серхио Бускетс иҷоза медиҳад, то ки кулли диққатҳояшро ба самти бозӣ дар сафи «Барса» равона созад.
Дар ҳамин мавсим ин нимҳимоягари такягоҳии 34-сола 16 бозӣ дар сафи «Барселона» дар ҳамаи мусобиқао гузаронида, як паси голӣ дар номаш дорад.
Манбаъ — Mundo Deportivo
Нет комментариев