Мавзуъро оиди Электроникаи ҳамроҳгир идома медихем.

Чи хеле ки сомонаи www.3dnews.ru хабар медиҳад, сафи таҷҳизотҳое, ки аз асбобҳои гуногун, ба монанди ойнак – соат то ойнаки наворбардор иборат аст, хеле диққатҷалбкунанда буда, бозори он солҳои наздик бо суръат калон мегардад. Кормандони сомонаи CNet бо сардорони ширкатҳои технологии ARM, Broadcom, Freescale, Intel, Mediatek ва Qualcomm бо мақсади фаҳмидани хулосаи онҳо нисбати ин таҷҳизотҳо сӯҳбат гузарониданд.

 Соатҳои дастӣ ва ойнакҳо – ин танҳо саршавӣ

Дар соҳаи тиб, электроникаи ҳамроҳгир мунтазири баромади таҷҳизотҳои хеле гуногун барои ҳайвоноти хонагӣ ва бозиҳо шудан мумкин аст. Ангуштпонаҳои гуногун, ориоишоти датчикдору алоқадори дараҷаи таҷҳизотияш олӣ ба бозор пешниҳод шуда истодааст. ”Мо умедворем, ки соли ҷорӣ соҳаи электроникаи ҳамроҳгир гуногунии худро намоиш мекунад”, — қайд кард сарвари инкишофи тиҷоратии протсессорҳои ширкати Freescale i.MX Роберт Томпсон (Robert Thompson).

 Нуқтаи назари интернетонидани асбобҳо – омили иловагии калоншавии бозори электроникаи ҳамроҳгир

Дар нуқтаи назари интернетонидани асбобҳо, истеҳсолкунандагон маҳсулотҳои анъанавӣ ва асбобҳои ба монанди фурӯзонаку (лампочкаю) мошинаҳои ҷомашӯии байни якдигар алоқадорро табдил дода истодаанд. Лекин айни ҳол, на он қадар асбобҳои ҳамроҳгири замонавӣ бо чунин таҷҳизотҳо ҳамкорӣ карда метавонад.

Ширкати Samsung дар намоишгоҳи январии CES нуқтаи назари Smart Home (хонаи доно) – ро пешниҳод кард, ки он қобилияти идоракунии тамоми асбобҳою таҷҳизотҳои ба ин хона васлшударо бо воситаи асбоби ягона дорад. Ин асбоб бо таҷҳизоти Galaxy Gear қобилияти кор карданро дорад. Оянда чунин мисолҳо зиёд хоҳанд буд.

Қобилияти мухтории электроникаи ҳамроҳгир баландтар мешавад

Айни замон аксарияти асбобҳои ҳамроҳгир барои қобилияти кории худро баланд кардан бояд ба таҷҳизоти функсионалӣ ба монанди смартфон пайваст шавад. Масалан, Galaxy Gear дар бораи омадани мактуб хабар медиҳад, лекин онро хонда бо он ҷавоб навиштанро танҳо тавассути смартфон мумкин аст. Оянда қобилияти мухтории соатҳои дастӣ ва дигар таҷҳизотҳо баланд хоҳад шуд.

Аз гуфтаҳои ҷаноби Белл аз ширкати Intel, вақте ки қобилияти мухтории таҷҳизотҳои доно баланд мегардад, он пас ба табъи истеъмолкунандагон ҳақиқатан хуш меояд. Қобилияти ҳамкорӣ бо смартфону планшетҳо бояд вазифаи иловагӣ бошад.

 Нархҳо меафтанд

Бо баробари калоншавии соҳаи таҷҳизотҳои ҳамроҳгир ва зиёдшавии ададҳои иштирокчиёни бозор нархи онҳо қонунан паст мегардад. Дар бораи электроникаи ҳамроҳгир сарвари маркетинги Mediatek Джоан Лодениус (Johan Lodenius) қайд кард: “Оиди таҷҳизотҳои ҳамроҳгир ба сифати лавозимот мо қарор дида баромадем, ки арзиши онҳо бояд паст гарданд, масалан 50 доллар ё дар ҳолати будани имконият боз пасттар ”.

Новобаста аз тараққиёти ҳодисаҳо дар оянда, фикру андешаҳои истеҳсолкунандагони чипҳо дар як чиз мувофиқ меоянд  — электроникаи ҳамроҳгир солҳои наздик тарзи ҳаёти моро комилан тағйир медиҳад.

Сарчашма: http://www.3dnews.ru/800616