Озмуни ҷумҳуриявӣ: «МУТОБИҚШАВӢ БА ТАҒЙИРЁБИИ ИҚЛИМ»

0
1 400 просмотров

Дар иртибот ба ташаббусҳои Президенти Тоҷикистон оид ба Даҳсолаи байналмилалии амал «Об барои рушди устувор, солҳо 2018-2028», «Стратегияи миллии мутобиқшавӣ ба тағйирёбии иқлими Ҷумҳурии Тоҷикистон барои давраи то соли 2030», «Соли 2025 — Соли ҳифзи пиряхҳо», «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025», инчунин «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» эълон гардидани солҳои 2020-2040 Кумитаи ҳифзи муҳити зисти назди Ҳукумати Ҷумҳурии Тоҷикистон ва комиссияи экологии палатаи поёнии Парлумони мамлакат Озмуни ҷумҳуриявии «Мутобиқшавӣ ба тағйирёбии иқлим» эълон менамоянд.

Тавре дар Кумитаи ҳифзи муҳити зист ба АМИТ «Ховар» иттилоъ доданд, дар озмун гурӯҳҳои эҷодӣ, журналистон, коршиносон, мутахассисон ва намояндагони ҷомеаи шаҳрвандӣ иштирок карда метавонанд.

Асару мақолаҳо бояд мавзӯъҳои мутобиқшавӣ ба тағйирёбии иқлим ва маърифати экологиро инъикос намоянд.

Асарҳо, видеороликҳои ба озмун пешниҳодшаванда метавонанд бо забонҳои тоҷикӣ, русӣ ва англисӣ омода карда шаванд.

Асарҳо, мақолаҳо, филмҳои мустанад ва видеороликҳои тарғиботӣ оид ба мавзӯъҳои озмун пешниҳодгардида бояд тавассути рӯзномаю маҷаллаҳо, радио ва телевизион, шабакаи Интернет ба оммаи васеъ дастрас шуда бошанд.

Манбаъ: АМИТ «Ховар»

Нет комментариев

Также рекомендуем

Сообщить об опечатке

Текст, который будет отправлен нашим редакторам: