Муассисаи давлатии «Маркази миллии патенту иттилоот»-и Вазорати рушди иқтисод Озмуни навбатии ҷумҳуриявии «Навоварон ва ихтироъкорони наврас ва ҷавон»-ро, таҳти шиори «Ҷавонон — созандагони ватан» баргузор менамояд. 
Мақсади асосии баргузор намудани Озмун, ин дарёфт намудани истеъдодҳои ҷавон, тарғибу ташвиқи соҳа дар байни толибилмон, донишҷўён, унвонҷўён, ҳамчунин дастгирӣ ва ҳавасманд намудани ҷавонони лаёқатманди дорои қобилияти зеҳнии эҷодӣ ва ба фаъолияти навоварию ихтироъкорӣ шавқу рағбат дошта мебошад. Иштирокчиён ва ғолибони Озмун бо ифтихорнома, туҳфаҳои хотиравӣ ва мукофотпулиҳо қадрдонӣ карда мешаванд. Ҳамзамон қайд менамоем, ки лоиҳаҳои ҷойҳои намоёнро ишғолнамуда ва муҳим дар сомонаи Интернет-портали миллии инноватсионӣ www.innovation.tj ва дигар сомонаҳои дахлдор, ҷиҳати муаррифӣ ба ҷомеа бо мақсади дарёфти сармоя барои дар амал татбиқ намудани он ҷойгир карда мешаванд. Дар баробари ин, маълумоти мазкур бевосита ба шарикони рушд ва бахши хусусӣ (корхона ва ширкатҳои истеҳсолию хизматрасон) муаррифӣ карда мешаванд. Шартҳои иштирок дар озмун ва ҳуҷҷатҳои пешниҳодшаванда: — синну соли иштирокчӣ аз 14 то 30 сола; — нусхаи шаҳодатномаи таваллуд ё шиноснома; — тарҷумаи ҳоли иштирокчӣ; — маълумот оид ба лоиҳаи пешниҳодшаванда, ки хусусияти навоварӣ ё ихтироъкорӣ дорад (дар якҷоягӣ бо суратҳо, нақшаҳо ва дигар маводҳо дар шакли матн). Муҳлати қабули ҳуҷҷатҳои довталабон аз санаи 02 апрел то 29 июни соли 2018 муқаррар карда шудааст. Телефонҳо барои тамос: 2222153, 918-22-77-09, 93-532-10-02. Почтаи электронӣ:boyzoda16@gmail.com; fazliddin.m94@mail.ru
Манбаъ: http://www.innovation.tj/
Нет комментариев