Пахтакорони шаҳри Конибодом аввалин шуда аз иҷрои нақшаи солона баромаданд

0
1 839 просмотров

Рӯзи 26 октябр заркорони шаҳри Конибодом нақшаи истеҳсоли пахтаро 100 фоиз иҷро намуда, ба хирман 13300 тонна дурри гаронбаҳо рехтанд. Кишоварзони Конибодом соли равон дар майдони 6000 гектар пахта кишт намуда, ба ҷамъоварии 13300 тонна “тиллои сафед” уҳдадор шуда буданд.

Раиси вилояти Суғд Раҷаббой Аҳмадзода дар аснои сафари кории худ ба шаҳри Конибодом дар ҷамъомади идонаи кишоварзон шикарт варзида, сокинони шаҳр, хоса кишоварзонро бо ин зафари меҳнатӣ табрик гуфт.

Раиси вилоят зимни суҳбат бо кишоварзон баҳри пурраву беталаф ба хирман супоридани пахтаи боқимонда дастурҳо дода, таъкид намуд, ки бо истифода аз обу ҳавои мусоид бояд то пағаи охирон ҷамъоварӣ карда шавад.

Сипас, як қатор чинакчиёни пешқадами хоҷагиҳои кишоварзӣ бо туҳфаҳои хотиравии Раиси вилоят сарфароз гардонида шуданд.

Дар ҷамъомади тантанавӣ, ки дар ҷамъияти саҳҳомии «Ҳабиб» доир гашт, раиси шаҳри Конибодом Зафарбек Давлатзода низ сухан ронда, аз номи кишоварзони Конибодом иброз дошт, ки пахтакорони шаҳр имкониятҳои мавҷударо самаранок истифода намуда, боз наздик 4 ҳазор тонна пахта истеҳсол менамоянд.

Бояд қайд намуд, ки дар иҷрои нақшаи имсолаи пахтасупорӣ, бахусус, саҳми ҷамоатҳои деҳоти ба номи Ғафурҷон Ортиқов, Пӯлодон, Раҷаб Ҳамробоев, Эргаш Шарифов, Лоҳутӣ ва Патар назаррас аст. Инчунин, ҳиссаи чинакчиёни пешқадам, ҳашарчиён ва ёрдамчиён аз ташкилоту муассисаҳои шаҳр низ басо бузург аст.

Ҳанӯз пахта дар саҳро фаровон буда, сокинон сарҷамъона ба ғунучини он машғуланд.

Манбаъ:Хадамоти матбуоти

Раиси вилояти Суғд

Нет комментариев

Также рекомендуем

Сообщить об опечатке

Текст, который будет отправлен нашим редакторам: