Муҳаммад Али номи ин писарбачаи қаҳрамони ҳақиқӣ мебошад. Ин корнамоии писарак тамоми истифодабарандагони шабакаҳои интернетиро ба ҳайрат оварда, Муҳаммад Алиро ба ситораи хақиқӣ табдил дод. Бачаи 6 сола оилаи худро аз дасти ғоратгарон наҷот додааст. Ин ҳодиса дар яке аз ноҳияҳои Бирмингем рӯй додааст. 7 нафар ғоратгарон ба хонаи онҳо зада медароянд. Да ин лаҳза Али ҳамроҳи модараш ва додараки яксолааш қарор дошт. Оила натавонист, ки дар ҳол барои кӯмак ба пулис ё ҳамсоягон муроҷиат намояд. Қаллобони воридгардида бо мақсади ба даст овардани чизҳои кимматбаҳо ба кофтукови хона сар карданд. Онҳо ҳама кунҷу канори хонаро кофта, ҳама чизҳоро чапа роста карданд. Вақте, ки ғоратгарон аз хона ягон чизи арзишнок наёфтанд, онҳо ба сари кӯдаки як сола таппонча дошта, басоҳибхоназан фармон доданд, ки ба зудӣ ашёҳои гаронбаҳо ва ҳама тилловориҳоро барорад. Диққати яке аз қаллобонро халқаи тиллои дар гӯши зан буда ба худ кашид ва ӯ яроқро ба сӯи зан равона сохт. Ин ҳолат як таконе барои ба ҳаракат даромадани Али гардид. Али дар ҳол ба пеши модар рафта, дарро аз дохил сахт маҳкам кард. Ӯ бо садои баланду хашмолуд аз ғоратгарон талаб кард, ки модарашро ором гузошта, хонаро тарк кунанд. Ин рафторри писарбача аз нақшаи қаллобон берун буд. Онҳо аз ин кирдори писарбача ба ҳайрат афтода, чӣ кор карданашонро надонистанд ва танҳо як телефони мобилиро аз хона гирифтанду аз ҷои ҳодиса бо автомобили нишаста омадаашон баргашта рафтанд. Модари Али Рифат аз ин амали боҷуръатонаи писараш мефахрад. Зан мегӯяд: «Вақте, ки ба сари ман таппоначаро равона карданд, ман аллакай ба марг таслим шуда будам ва фақат барои наҷот додани ҳаёти фарзандонам умед мебастам. Аммо рафтори Муҳаммад маҷбур маро сохт, ки то чӣ андоза муҳим будани мукобилиятнишондиҳиро дарк намоям». Пас аз ин ҳол зан пулисро даъват кард, вале онҳо ғоратгаронро ёфта натавонистаанд.
Писарбачаи 6 сола Муҳаммад бо ин корнамоии худ сзовори мукофоти ҳамасолаи ҳукумат «Барои ҷасорат» гардид. Ин мукофоти пуршарафро ба писарбача пулис тақдим кардааст. Дар бораи ин рафтори қаҳрамононаи писарак на танҳо рӯзномаҳо навишта буданд. Алии 6 сола бо модараш Рифат дар якчанд барномаҳои телевизионӣ баромад карда, дар бораи чӣ тарв дар назди ғоратгарон бо тарси худ мубориза бурда тавонистанаш нақл кардааст. Муҳаммад барои наҷот додани модараш ва оилаашон ҳаёти худро дареғ надоштааст. Вақте, ки ба модараш хатар таҳдид кардааст, ҳисси тарс аз вуҷуди Али яку якбора нопадид гадиддааст.
Дертар маълум гардид, ки ҳамин гуна ҳодисахо дар ин маҳал зиёд руй дода будааст ва бо шарофати оилаи Муҳаммад Али фотороботи ғоратгарон тартиб дода шудааст.
Нет комментариев