“Реал Мадрид” аввалин шуда, ба финали Ҷоми Испания баромад

0
224 просмотров

Бозии ҷавобии марҳилаи нимниҳоии Ҷоми Испания миёни дастаҳои “Реал Мадрид” ва “Реал Сосйедад” ба анҷом расид. Вохӯрии дастаҳо дар Варзишгоҳи бошукуҳи “Сантяго Бернабеу”-и шаҳри Мадрид доир шуда, бо натиҷаи мусовии 4 бар 4 анҷом ёфт. Аз рӯи натоиҷи бозии рафту баргашт ҳисоб 5 бар 4 ба суди дастпарварони Карло Анчелотти шуд ва тими шаҳри Мадрид роҳашро ба финал ҳамвор намуд.

Ҳисоб дар дақиқаи 16-уми бозӣ аз ҷониби ҳамлагари тими “Реал Сосйедад” Андер Барренечеа кушода шуд. Пас аз 14 дақиқа Эндрик ба ин гол посух дода, ҳисобро баробар намуд. Қисми аввали бозӣ бо натиҷаи мусовӣ хотима ёфт. Аз ҳисоби оморӣ бартарият пурра ба ҷониби тими шаҳри Мадрид буд.

Дар қисми дуюми бозӣ дифоъгари “Реал Мадрид” Давид Алаба муаллифи худгол шуда, ҳисобро ба бартарии рақиб кард. Дар дақиқаи 80-уми бозӣ Микел Оярсабал голи сеюми “Реал Сосйедад”-ро ба самар расонид.

Пас аз ин гол шогирдони Анчелотти ба худ омада, дар 3 дақиқа ба дарвозаи “Реал Сосйедад” 2 гол заданд. Дар дақиқаи 82-юм Ҷуд Беллингем ва дар дақиқаи 86-ум Орелйен Тчуамени голҳоро ба самар расониданд. Аз ҳисоби оморӣ дар қисми дуюм бозии дастаҳо баробар буд.

Аз рӯи натиҷаи бозии аввала ғолиб муайян нашуд ва дастаҳо дар вақти изофӣ рақобатро идома доданд. 5 дақиқа мондан то анҷоми 30 дақиқаи вақти изофӣ Антонио Рюдигер голи ғалабаоварро барои “Реал Мадрид” зад ва тими шоҳона ба финал роҳшаро ҳамвор намуд.

Ёдовар мешавем, ки бозии аввали дастаҳо бо ҳисоби 1 бар 0 ба фоидаи “Реал Мадрид” анҷом ёфта буд. Ягона голро дар он бозӣ Эндрик марбути номи хеш намуда буд.

Дар бозии дигари марҳилаи нимниҳоӣ “Атлетико Мадрид” ва “Барселона” барои роҳ ёфтан ба финал мубориза мебаранд. Бозии аввали дастаҳо дар майдони “Барселона” бо натиҷаи мусовии 4 бар 4 хотима ёфта буд.

Манбаъ: Варзиш-ТВ

Нет комментариев

Также рекомендуем

Сообщить об опечатке

Текст, который будет отправлен нашим редакторам: