Роботҳо ба бисёр корҳо қодиранд: бирён кардани бургерҳо ба сифати хӯриш, ба меҳмонони бар нӯшокӣ рехта додан, вазифаи фарроши калон ё лавҳаи иттилотии интерактивиро иҷро кардан ва ғайра. Аммо кори сервазифаву мақоми пастдошта маънои онро надорад, ки роботҳо қобилияти худро дар санъати ҳақиқӣ нишон дода наметавонанд. Дар ин ҷо дарҳол дастгоҳи автоматикунонидашуда аз Honda, ки дар ғижак навохта метавонад ё робот-актёр Thespian ба хотирамон мерасад. Дорои истеъдоди мусиқавӣ будани роботи YuMi низ тасдиқ карда шудааст, ки дар толори консертии театри Верди дар Пиз намоиш дода шудааст.
YuMi — офаридаи муҳандисони ABB аст ва он нахустин робот дар ҷаҳон аст, ки мураттабона бо ду «дастон-манипуляторҳо»-ро идора карда метавонад. Барои иқтидори кори дастгоҳро фаҳмидан коркардчиён дар назди худ вазифаи душвор гузоштанд. YuMi-и онҳо бояд натанҳо асбоби мусиқиро навохта тавонад, балки идора кардани кори якчанд мусиқанавозони зиндаро ба зиммаи худ гирад. Ҳамин тавр, YuMi ба роботи саноатӣ табдил дода шуд, ки барои иҷрои вазифаҳои саноатӣ ва дирижёрии оркестри ҳақиқӣ пешбинӣ карда шудааст.
Дар рафти консерти хайриявӣ, дар Фестивали байналхалқии робототехникаи YuMi кори якҷояи оркестри калонро таҳти роҳбарии тенори итолёвӣ — Андреа Бочелли (Andrea Bocelli) ҳамоҳанг намуд ва робот аз ӯҳдаи ин кор ба таври аъло баромада тавонист.
Барои аз болои оркестр дирижёрӣ кардан дар рафти иҷроиши операи «Риголетто» Ҷузеппе Верди (Giuseppe Verdi), ба мутахассисони ABB лозим омад, ки заҳмати зиёд кашанд. Барои ин онҳо дирижёр Андреа Коломбини (Andrea Colombini)-ро даъват карданд, ки ӯ кори «дасти роботикунонидашуда»-ро бо чӯбчаи дирижёрӣ идора кард. Система бошад, бодиққатона ҳамаи ҳаракатҳоро пайгирӣ намуда, ҳолати онҳоро дар фазо ба қайд гирифт. Пас аз коркард намудани ҳаракатҳои сабткардашуда, ки барои суфта кардан ва ислоҳ намудани ҳаракатҳо имкон дод, робот мувофиқи партитура ба дирижёрӣ кардан шурӯъ намудааст.
Нахустин маротиба YuMi дар соли 2015-ум намоиш дода шуда буд ва аз ҳамон вақт ABB бошиддат аз болои модификатсикунонии дастгоҳ кор карда истодааст. Рости гап дар ҳаёти реалӣ қобилияти махсуси кори YuMi танҳо барои баромадҳои намоишӣ бидуни бакордарории доимии тиҷоратӣ воқеӣ мебошад.
Нет комментариев