Ширкати антивирусииESET Russia бо гузаронидани як тадқиқоти сотсиалогӣ муайян намуд, ки шумораи зиёди истифодабарандагони интернет аз спамҳои телефонӣ ранҷ мебаранд.
Таҳқиқоти сотсиологӣ нишон дод, ки 76 дарсади истифодабарандагон аз спамҳои ноҷо нороҳат мешаванд. Яъне 65 дарсади пурсидашудагон гуфтаанд, ки пайваста паёмакҳои рекламавӣ меояд, 2 дарсад зангҳои рекламавӣ ва 9 дарсади дигар ҳам паёмак ва ҳам зангҳои рекламавӣ мегиранд.
Бадирша Байрамов, коршиноси соҳаи sms ва email-маркетинги ширкати “Интервэйл Казахстан” дар сӯҳбат бо бахши русии «Матрица» иброз доштааст, ки худи истифодабарандагон барои гирифтани ҳамагуна спамҳо гунаҳкор ҳастанд:
“Худи истифодабарандагон рақамҳои телефон ва e-mail-и худро дар шабака ҷо мекунад. Дар Интернет шабакаҳои расмие вуҷуд доранд, ки барои гирифтани маълумот аз қайд гузаштанро талаб менамоянд. Ҳангоми аз қайд гузаштан ҳатман дар он рақам ва почтаи электронии худро ворид мекунед. Пас аз он омадани спамҳо шурӯъ мешаванд”.
Чӣ тавр спам фаъол мешавад? Шумо барои харид намудани маҳсулот ба ягон шабакаи интернетӣ ворид мешавед ва дар онҷо аз шумо мепурсанд, ки почтаи электронӣ ё рақами телефонатонро гузоред. Ҳамин тавр шумо ба рассилкаҳои спамҳо ворид мешавед. Пас аз он ширкат ба муштариёнаш рекламаҳои худро мефиристад.
Бештар ин корро бо истифода аз барномаи «Агрегатор» анҷом медиҳанд. Яъне бо воситаи ин барнома ҳамаи маълумоти муштариён ҷамъ оварда мешаванд ва пас аз он метавонанд онро ба дигар ширкатҳо ё интернет- хизматрасониҳо фурӯшанд. Агарчи ин кор ғайриқонунист, аммо исбот намуданаш мушкил аст. Вале Бадирша Байрамов мегӯяд, ки истифодабарандагон метавонанд ба оператори шабакаи худ муроҷиат намоянд, ки “аз фалон рақам паёмак омадааст, вале ба ин шабака номнавис нашудаам ва хоҳиш мекунам, ки бароям муайян намоед, ки кай аз қайди ин шабака гузаштаам”.
Аммо боз як роҳи дигари ба рӯйхати спамҳо ворид шудани истифодабаранда вуҷуд доштааст:
-Шумо дар ягон шабакаи интернетӣ эълон пахш мекунед ва дар он суроғаву телефони худро зикр менамоед. Дар ин ҳолат он маълумотро метавонанд дар рӯйхати спамҳо ворид намоянд, -мегӯяд Бадирша Байрамов
Вале баъзан аз ҳад зиёд омадани спам касро дилгир мекунад, он вақт метавонед ба оператори мобилӣ занг занед ва хоҳиш намоед, ки шуморо аз “рассылка”-ҳо берун оранд. Албатта дар ин ҳол, агар ба хизматрасонии интернет банкинг пайваст бошед паёмакҳои иттилоотии бонкро намегиред.
Вале дорандагони айфон, ки бо iOS 7 ҳастанд метавонанд дилхоҳ рақамро манъ кунанд. Аммо баъзе аз смартфонҳои Андроид низ метавонанд ин амалиётро анҷом диҳанд. Ҳатто барои ин чандин замимаҳое низ ҳастанд, ки рақамҳои нолозимро филтр мекунанд, ба мисли SMS-фильтр.
Ин замима метавонад паёмакҳои шуморо филтр намояд. Спам SMS-ҳо дар як ҷойи алоҳида ҳифз карда мешаванд, ки ҳар вақт хостед даромада мебинед. Боз як замимаи дигар NumBuster ҳаст, ки ба воситаи он метавонед аз ҳаргуна спам раҳо ёбед.
Асосан спамҳоро дар шабакаҳои иҷтимоӣ як гурӯҳи спамерҳо ташкил медиҳанд, бо кӯмаки ҳамдигар онро паҳн менамоянд. Аз ин рӯ аз шумо хоҳиш карда мешавад, ки дар ҳар куҷо рақам ва почтаи электронии худро нагузоред. Барои кортҳои тахфиф дар мағозаҳо бошад, метавонед рақами иловагӣ барои телефонатон бигиред ва онро дар ҳолатҳои зарури ба шабака пайваст намоед. Он вақт ҳаргуна спамҳо шуморо ташвиш намедиҳанд.
Дар навори зерин, шумо метавонед шарҳи муфассали бартараф намудани спам-ҳоро тамошо кунед:
Нет комментариев