Сафири Тоҷикистон ба Президенти Литва эътимоднома супорид

0
2 057 просмотров

Сафири Фавқулода ва Мухтори Ҷумҳурии Тоҷикистон дар Ҷумҳурии Литва Маҳмадшариф Ҳақдод 23 апрели соли равон эътимодномаи хешро ба Президенти Ҷумҳурии Литва хонум Даля Грибаускайте супорид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Дар ҷаҳорчӯби маросими мазкур мулоқоти Сафир М.Ҳақдод бо Президент Д.Грибаускайте доир гардид. Дар мулоқот Маҳмадшариф Ҳақдод аз номи Президенти Ҷумҳурии Тоҷикистон Ҷаноби Олӣ Эмомалӣ Раҳмон саломи самимона ва таманниёти боло бурдани ҳамкорӣ  байни ду кишварро ба Президенти Ҷумҳурии Литва хонум Даля Грибаускайте расонд. Ҷонибҳо дар бораи ҳолати кунунии муносибатҳои дуҷониба ва дурнамои густариши ҳамкорӣ  байни кишварҳо ва масъалаҳои дигари мавриди  эҳтимоми муштарак табодули афкор намуданд.

Президенти Литва изҳори итминон кард, ки бо оғози фаъолияти Сафир сатҳи ҳамкории тарафайн боло рафта, муносиботи дуҷонибаи Тоҷикистону Литва  густариш  хоҳанд ёфт.

Манбаъ: АМИТ «Ховар»

Нет комментариев

Также рекомендуем

Тоҷикистон ва Корея баргузории барномаҳои муштаракро дар соли оянда баррасӣ намуданд

Муовини якуми Вазири корҳои хориҷии Ҷумҳурии Тоҷикистон Низомиддин Зоҳидӣ 13 декабр Кордори навтаъйини Сафорати Ҷумҳурии Корея дар Ҷумҳурии Тоҷикистон Ли Вучёлро ба ҳузур пазируфт. «Дар ...

Сообщить об опечатке

Текст, который будет отправлен нашим редакторам: