Бо ибтикори Мақомоти иҷроияи ҳокимияти давлатии вилояти Суғд ба муносибати фарорасии моҳи шарифи Рамазон санаҳои 12-13-уми майи соли равон дар назди Театри мазҳакавӣ-мусиқии ба номи Камоли Хуҷандии марказии вилоят, инчунин дар маркази шаҳрҳои Бӯстон, Гулистон ва Истиқлол ярмарка — фурӯши маҳсулоти кишоварзӣ ва маводи озуқаворӣ баргузор мегардад.
Дар ярмарка кишоварзони шаҳру ноҳияҳои вилоят, корхонаҳои паррандапарварӣ, иттифоқҳои матлуботи вилоят, соҳибкорон ва дигар хоҷагиҳои ёрирасон маҳсулоти хушсифатро нисбат ба нархҳои бозор арзонтар пешниҳоди сокинон менамоянд.
Ярмарка-фурӯши маҳсулоти кишоварзӣ ва маводи озуқаворӣ соати 8-00 оғоз меёбад.
Марҳамат ба ярмарка!
Нет комментариев