Шабнами Сурайё, хонандаи пуровозаи попи тоҷик аз ҳаводоронаш даъват кардааст, чиптаҳои консертеро, ки қарор аст 3 апрел дар шаҳри Ню-Йорки Амрико баргузор шавад, харидорӣ накунанд.
Дар шабакаҳои иҷтимоӣ аксҳои таблиғие нашр шудааст, ки аз консерти Шабнами Сурайё дар шаҳри Ню-Йорк хабар медиҳад. Дар онҳо санаи баргузории консерт 3 апрел хабар дода мешавад. Аммо саҳифае, ки дар Фейсбук бо номи Шабнами Сурайё сабт шудааст ва аксҳои ӯро мегузорад, навишта, ин таблиғот ҳақиқат надорад: “Бе розигии ман онҳо ин рекламаҳоро насб кардаанд. Яъне, шумо ба он бовар насозед ва чиптаҳояшро харидорӣ накунед”.
Шабнами Сурайё ваъда кардааст, ӯ консерташро дар вақти дигар ба нақша гирифтааст ва замону маконашро баъдан хабар медиҳад.
Шабнами Сурайё, духтари Сурайё Қосимова буда, дар фазои санъати попи Тоҷикистон пештоз аст. Ӯ яке аз аввалин хонандаҳои тоҷик гуфта мешавад, ки дар саҳнаҳои Амрикову бархе кишварҳои Аврупо ҳунарнамоӣ кардааст. Моҳи августи соли 2014 ҳамроҳи хоҳаронаш – Фарзонаву Бибирӯзигул ва духтараш Шарифамоҳ ба зиёрати Хонаи Худо рафт ва “ҳоҷибибӣ” шуд.
Манбаъ: http://www.ozodagon.com/
Нет комментариев