Шероза ё худ ҷиҳакбофӣ – навъи ҳунари гулдӯзист

0
994 просмотров

ШЕРОЗ, ШЕРОЗА ё худ ҶИҲАКБОФӢдар фарҳанги мардумӣ ҳамчун як унсури ороишӣ ва функсионалии либоси занона, мардона,  бачагона,  тоқӣ  ё  дигар  кулоҳҳо,  инчунин девориҳову чойнакпӯшҳову дигар чизҳои рӯзгор (аз қабили чойхалта, оинахалта, шонадон ва ғайра) истифода бурда мешавад.

Шерозадӯзӣ – навъи ҳунари гулдӯзист. Шероз – тасмача, зеҳи  гулдӯзӣ,  ки  ба  нӯги  остин,  бари  ҷома,  гирди  девориҳову дигар чизҳои суннатӣ ҳамчун унсури ороишӣ дӯхта мешавад.

Шероз– тасмачаи дарози нақшинест, ки тақрибан аз 2 то 12 см бар дорад. Бару дарозӣ, нақш ва шакли шероз аз истифодаи он вобаста аст. Ҷараёни омодашавии шероз аз ду давра иборат аст. Аввал аз ресмони сиёҳ ё сафед асоси шерозро дар дастгоҳи махсус бо даст метананд.

Картинки по запросу ШЕРОЗ, ШЕРОЗА

Таг (асос)-и шероз дурушт мешавад, зерои онро хеле зич метананд. Баъд, рӯи асосро бо риштаҳои  ранга  ё  сиёҳу  сафед  бо  нақшҳои  гуногун  оро медиҳанд, масалан, бо нақшҳои суннатии тӯморӣ, шона, ислимӣ ва ғайра ё бо гулу гулбаргҳову нақшҳои (тибқи хурофотпарастии мардум) ҳифзкунанда. Нақши шерозро аз рӯи истифодаи шероз, ҷинс, синну сол интихоб мекунанд.

Ҳунарманди бомаҳорат, бахусус шерозадӯз ё худ ҷиҳакбофи маъруфи тоҷик, гирандаи Гранти Раиси шаҳри Хуҷанд дар соли 2016, устоди даҳҳо шогирдон, роҳбари сехи дӯзандагии «Ганҷи ҳунар» Маҳзунахон Наманова мебошанд. Зимни мусоҳибаи ин бону-ҳунарманди воқеан боистеъдоду мўъҷизаофар маълумоти болоиро бароямон пешкаш намуданд.

 

Медиапортали «Тироз»

Нет комментариев

Также рекомендуем

Чӯҷаҳои шутурмурғи африқоӣ дар Тоҷикистон

Аминҷон Қосимов, ҳоло ягона соҳиби фермаи шутурмурғпарварӣ дар Тоҷикистон мегӯяд, орзуяш ин аст, ки парвариши ин мурғро дар Тоҷикистон маъмулӣ карда ва шумораи мурғҳои калонҷуссаро ...

Сообщить об опечатке

Текст, который будет отправлен нашим редакторам: